میانمار کے 104 فوجیوں کو میزورم سے ایئر لفٹ کیا گیا

آئزول، 29 نومبر (یو این آئی) جمہوریت نواز لڑاکو کے ذریعہ کیمپوں پر قبضہ کرنے کے بعد میزورم بھاگ آئے میانمار کے 104 فوجی کو اب تک میزورم سے ہوائی جہاز سے لے جایا گیا ہے۔افسران نے بدھ کو یہ اطلاع دی۔ آسام رائفلز/میزورم پولیس کے سامنے بدھ کو خود سپردگی کرنے والے 30 ،میانمار کے فوجیوں کو میزورم-میانمار سرحد سے جنوبی میزورم کے سیہا ضلع کے ٹوئپانگ قصبے میں ہوائی جہاز سے لے جایا گیا۔ افسران نے بتایا کہ انہیں دو بیچوں میں ایئر لفٹ کیا گیا۔
میانمار میں جمہوریت حامی عسکریت پسند گروپوں کے کیڈروں کے ساتھ جھڑپ کے بعد میانمار کی چن ریاست کے لیالیپی/لالینپی سے 30 میانمار کے فوجیوں نے منگل کو ہتھیاروں اور گولہ بارود کے ساتھ میزورم کے سیہا ضلع کے لاکی میں آسام رائفلز کے سامنے خود سپردگی کردی۔ بعد میں انہیں میزورم کے ٹوئپانگ میں آسام رائفلز پوسٹ پر لے جایا گیا۔جمہوریت حامی قوتوں نے پیر کے روزلیالیپی/لالینپی میں میانمار کے آرمی کیمپ پر قبضہ کر لیا، جس سے میانمار کے فوجیوں کو اپنی حفاظت کے لیے بھاگ کر میزورم میں داخل ہونے پر مجبور ہونا پڑا۔