74 سکریٹری، جوائنٹ سکریٹریز کی تقرری
نئی دہلی، 30 اگست (یو این آئی) کانگریس نے ہریانہ اور جموں و کشمیر اسمبلی انتخابات سے قبل تنظیم میں بڑی تبدیلی کرتے ہوئے آج 74 جوائنٹ سکریٹریوں اور سکریٹریوں کی تقرری کی ہے اور انہیں مختلف ریاستوں اور مرکز کے زیرانتظام ریاستوں کے جنرل سکریٹریوں اور محکموں کے انچارجوں سے منسلک کیا ہے۔یہ معلومات دیتے ہوئے کانگریس کے جنرل سکریٹری کے سی وینوگوپال نے کہا کہ پارٹی صدر ملک ارجن کھڑگے نے ان تمام ناموں کو منظوری دے دی ہے اور تمام نو تعینات عہدیداروں سے کہا ہے کہ وہ فوری اثرات سے کام شروع کردیں۔ پارٹی نے اب تک ان عہدوں پر کام کرنے والے لیڈروں کے کام کی تعریف کی ہے۔
پارٹی نے پرنب جھا اور گورو پاندھی کو بھی سکریٹری بنایا ہے جو کانگریس صدر کے دفتر میں کوآرڈینیٹر کا کردار ادا کر رہے تھے۔ مہیلا کانگریس کے سابق صدر نیتا ڈیسوزا اور این ایس یو آئی کے سابق صدر نیرج کندن کو پارٹی جنرل سکریٹری تنظیم مسٹر وینوگوپال کے دفتر سے منسلک کیا گیا ہے۔پارٹی کے کمیونیکیشن ڈپارٹمنٹ میں سکریٹری ونیت پونیا کا محکمہ تبدیل نہیں ہوا ہے، لیکن ان کے ساتھ روچیرا چترویدی کو محکمہ سے منسلک کرکے منوج تیاگی کو جوائنٹ سکریٹری، ایڈمنسٹریشن اور محترمہ آرتی کرشنا کو محکمہ خارجہ کی ذمہ داری دی گئی ہے۔ چیتن چوہان کو ہماچل سے منسلک کیا گیا ہے۔مدھیہ پردیش کانگریس کے چیف ترجمان کنال چودھری، بی ایم سندیپ، یو بی وینکٹیش اور قاضی نظام الدین کو مہاراشٹر سے، ممتاز سوشلسٹ لیڈر آنجہانی شرد یادو کی بیٹی سوہاسنی یادو، اوشا نائیڈو کو گجرات سے، کانگریس کے ترجمان آلوک شرما اور رویندرا دلوی پنجاب، پرگٹ سنگھ اور سریندرا شرما کو اتراکھنڈ، چرنجیو راؤ، رتویک مکوانہ، پونم پاسوان کو راجستھان، دیویا مدیرنا اور منوج یادو کو جموں و کشمیر، دھیرج گرجر کو اتر پردیش، دانش ابرار اور سکھویندر سنگھ ڈینی کو دہلی، منوج چوہان اور پرفلہ ونودراؤ گڈادھے کو ہریانہ، دویندر یادو سے سشیل کمار پاسی شاہنواز عالم کو بہار سے ، پرتھوی راج ساتھی جتیندر بگھیل کو آسام سے، سمپت کمار مسز سریتا لائفلان کو چھتیس گڑھ سے منسلک کیا گیا ہے جبکہ وجے جنگڑ کو ریاست کا جوائنٹ سکریٹری بنایا گیا ہے۔
