فرقہ وارانہ تشدد کے بعد مسلم نوجوانوں کی گرفتاری کو غلط قرار دے کر احتجاج کا اعلان کیا تھا
ممبئی ممبئی مالونی تشدد کے بعد مسلم نوجوانوں کی یکطرفہ گرفتاری پر احتجاج کرنے سے قبل ہی مہاراشٹر سماجوادی پارٹی و رکن اسمبلی ابوعاصم اعظمی کو پولس نے ان کی رہائش گاہ قلابہ میں نظربند کر دیا۔یہ دعویٰ سماجوادی پارٹی لیڈر کی جانب سے جاری ریلیزمیں کیا گیا ہے۔ اعظمی نے مالونی تشدد کے بعد مسلم نوجوانوں کی گرفتاری کو غلط قرار دے کر احتجاج کا اعلان کیا تھا اس پر پولس حرکت میں آگئی او ر ابوعاصم اعظمی سمیت سماجوادی پارٹی رضاکاروں کو گھر پر زیر حراست رکھنا شروع کردیا جب اعظمی احتجاجی مظاہرہ کے لئے مضافاتی علاقہ ایڈیشنل کمشنر نارتھ دفتر کی جانب کوچ کرنے کی کوشش کرنے لگے تو انہیں پولس نے جبرا روک دیا اور گھر پر ہی نظر بند کر دیا یہاں تک کہ انہیں اپنے دفتر جانے کی بھی اجازت نہیں دی گئی اعظںمی نے بتایا کہ پولس نے مسلمانوں کے ساتھ زیادتی کی ہے رام نومی کو شام سات بجے کے بعد مالونی جامع مسجد گیٹ نمبر سات اور پانچ پر جلوس میں شامل شرکانے جئے شری رام سمیت متنازع و دل آزار نعرہ بلند کیا اور رات دس بجے تک مسجدوں کے پاس سے ہٹنے کو تیار نہیں تھے تراویح کے نماز میں اس سے خلل پیدا ہو گئی اور مسلمانوں نے اعتراض کیا لیکن پولس نے یکطرفہ کاروائی کی ہے اگر سی سی ٹی وی فوٹیج کامعائنہ کیا جائے تو یہ ثابت ہو گا کہ کس نے دل آزار نعرہ لگایا تھا اور کس نے اشتعال انگیزیاں کی ہیں لیکن تشدد میں پولس نے مسلمانوں کو ہی ملوث قرار دیا انہوں نے کہاکہ حالات اب بھی خراب ہیں پولس کے اعلی افسران مورچہ روکنے کے لئے شب سے ہی سر گرم ہو گئے تھے اور سماجوادی لیڈران اور کارکنان کو حراست میں لیا گیا انہوں نے کہا کہ پولس کی یکطرفہ کاروائی پر احتجاج کرناکیا جرم ہے ۔ پولس جمہوری اقدار کےخلاف کام کر رہی ہے انہوں نے مزید بتایا کہ وزیر اعلی اور وزیر داخلہ ہم سے ملاقات کے لئے بھی تیار نہیں فون تک ریسیو نہیں کر رہے ہیں یہ ایک سنگین مسئلہ ہے اس پر سرکار کو توجہ دینی چاہئے ۔ رام نومی پر مالونی میں تشدد کے بعد مسلم نوجوانوں کی یکطرفہ گرفتاریوں کے خلاف آج ممبئی پولس نے سماجوادی پارٹی کے احتجاجی مظاہرہ کو موخرکروانے کرنے کے لئے پارٹی لیڈران کو ان کے گھروں سے ہی اٹھاکر زیر حراست لینا شروع کر دیا جس کی وجہ سے سماجوادی پارٹی کارکنان ایڈیشنل پولس کمشنر نارتھ ریجن پر دھرنا کرنے سے قاصر ر ہے پولس نے قصدا اس احتجاج کو روکنے کے لئے رضاکاروں پردباؤ بنایا اتنا ہی نہیں نارتھ ریجن میں جوگیشوری ملاڈ مالونی ۔ ڈنڈوشی میں ایس پی کارکنان کے خلاف کاروائی کی گئی سماجوادی پارٹی کے جنرل سکریٹری کبیر موریہ نے سوشل میڈیا پر پیغام جاری کر کے اس پولس کارروائی کے خلاف احتجاج درج کروایا پولس کارروائی پر اعتراض کرتے ہوئے کہاکہ پولس نےرام نومی پر جو یکطرفہ کاروائی کی ایک مخصوص طبقہ کو نشانہ بنایا گیااتنا ہی تشدد میں دیگر افراد اور فسادیوں پرکارروائی سے پولس بھی قاصر ہے اسی لئے نارتھ ریجن پر مورچہ کا اعلان کیا تھا جس پرپولس نے نہ صرف کارروائی شروع کر دی ہے بلکہ سماجوادی پارٹی ورکروں کو گرفتاری بھی کیا جارہا ہے کئی ورکروں کو تو گھر میں ہی نظر بند کر دیا گیاہے انہیں گھر سے باہر نکلنے کی اجازت نہیں ہے یہ سراسر زیادتی ہے اس کے خلاف ہم اپنا آندولن جاری رکھیں کبیر موریہ نے کہا کہ سماجوادی پارٹی نے جو نا انصافی کے خلاف احتجاج کیاتھا اسےدبانے کے لئے پولس نے کارکنا ن کو گرفتار کرنے شروع کردیا ہے اس سلسلے میں جب نارتھ ریجن کے ایڈیشنل کمشنر راجیو جین اور جوائنٹ پولس کمشنر ستیہ نارائن چودھری سے رابطہ کیا گیا تو رابطہ نہیں ہو سکا جبکہ مالونی میں ایک مرتبہ پھر حالات کشیدہ ہو گئے ہیں پولس نے اس معاملہ میں اب سیکورٹی میں اضافہ کر دیا ہے ساتھ ہی حالات پر نظر رکھی جارہی ہے ممبئی پولس نے سماجوادی پارٹی کے کارکنان کو اب نوٹس بھی ارسال کرنا شروع کر دی ہے اس کی تصدیق بھی ایس پی کارکنان نے کی ہے ممبئی میں مالونی تشدد کے بعد حالات قابو میں ہیں لیکن کشیدگی ہنوز برقرار ہے جبکہ اب اس تشدد پر سیاست بھی شروع ہو گئی ہے پولس اس پر بھی نظر رکھ رہی ہے ۔ ممبئی پولس ذرائع نے بتایا کہ جوکارروائی کی گئی ہے وہ بلا اجازت جمع ہونے کے لئے کی گئی تھی۔پولس کی کارروائی اور یکطرفہ گرفتاریوں کے بعد ایک مرتبہ پھر مسلمانوں میں ناراضگی پائی جارہی ہے حالات پرامن ضرور ہے لیکن کشیدگی ہنوز برقرار ہے ۔
