پولس کے ذریعہ موجودہ سیاسی حالات میں سنگ بنیاد کےلئے’ اُردو جلوس‘ کی اجازت نہیں ملی،اردوداں طبقے میں بے چینی
ممبئی (یواین ا ٓئی)ممبئی کے اگری پاڑہ علاقہ میں پولیس اسٹیشن سے مقابل اردو گھرکی تعمیر کھٹائی میں پڑ سکتی ہے کیونکہ بعدنماز جمعہ سنگ بنیاد سے قبل نکالے جانے والے ا±ردو جلوس کی پولیس موجودہ حالات کا حوالہ دیتے ہوئے اجازت نہیں دی ہے ،جس کی وجہ سے ا±ردو داں طبقہ میں سخت بے چینی پائی جاتی ہے۔اسے شیوسینا کے دوگروہوں ادھوٹھاکرے اور ایک آٹھ شندے کے درمیان چپقلش کا نتیجہ قرار دیاجارہاہے۔باوثوق ذرائع کے مطابق جمعہ کو نماز کے بعد دوپہر 3 بجے محمد حسین پلے گراونڈ وائی ایم سی اے سے اگری پاڑہ پولیس کے نزد ا±ردو گھر کے سنگ بنیاد کی تقریب سے قبل تک نکلنے والے’اردو جلوس‘ کوتمام تر کوششوں کے باوجود پولیس انتظامیہ نے موجودہ حالات کے پیشِ نظر اجازت دینے سے صاف انکار کردیا ہے۔
مدیر ماہنامہ گل بوٹے فاروق سیدنے ایک بیان جاری کرتے ہوئے کہاکہ پولیس کے انکار کے بعد بادل ناخواستہ اردو جلوس اور اردو لرننگ سینٹر کا سنگِ بنیاد آئندہ تاریخ تک ملتوی کیا جارہا ہے۔ واضح رہے کہ مذکورہ اردو مرکز کے بارے میں اطراف کے اردوداں علاقے ناگپاڑہ،بھنڈی بازار، ناگپاڑہ،بائیکلہ، مدنپورہ،ممبئی سینٹرل،اگری پاڑہ،کماٹی پورہ،دوٹانکی اور ڈونگری جیسے علاقوں میں جوش وخروش نظر آرہا تھا اور اسے خواب کی تعبیر کے دن کے مترادف قراردیا جارہا تھا،جب اردو والوں کی محنت رنگ لاتی ،لیکن پولیس نے اجازت دینے سے انکار کردیا ۔
دراصل اردولر نگ سینٹرکی تعمیر کےلئے بائیکلہ اسمبلی حلقہ کی شیوسیناباغی گروپ کی ایم ایل اے یامنی جادھونے تجویز پیش کی تھی اور ا±ن کے شوہر اور سابق اسٹینڈنگ کمیٹی چیئرمین یشونت جادھو کی کامیاب کوشش کے نتیجے میں اوبی سی دفتر سے متصل اور آگری پاڑہ پولیس اسٹیشن کے مقابل دس ہزار مربع فٹ جگہ اردولر نگ سینٹرکے لیے بی ایم سی نے الاٹ کردی تھی۔میونسپل کارپوریشن نے اس کی تعمیر کےلئے تقریباً 13کروڑ روپے کا ٹھیکہ بھی دے دیاہے اور جلد از جلد تعمیراتی کام کی شروعات ہوجاتی ،لیکن پولیس نے جلوس اور تقریب کی اجازت سے منع کردیا ہے۔ معتبر ذرائع نے بتایا کہ بی ایم سی پر اب بھی شیوسینا گروپ کا دبدبہ ہے اور اگری پاڑہ علاقے میں بھی شیوسینا کا اثرورسوخ ہے جبکہ ایم ایل اے یامنی یادو اور ا±ن کے شوہر یشونت جادھو شندے گروپ میں شامل ہوگئے ہیں ۔اس لیے مقامی لوگوں نے ا±ردو لرنگ سینٹر پر مبینہ طورپر اعتراض کیا اورپولیس کو موقع مل گیا ۔ا±س نے’اردو جلوس‘اور سنگ بنیاد کےلئے تقریب کی اجازت بھی نہیں دی ہے۔ حالانکہ ایک قدم اردو کے لیے کے نعرہ کے ساتھ اردو اخبارات،نیوزچینل ،زبان کی فروغ و ترویج میں سرگرم تنظیمیں بھی پیش تھیں اور شہر بھر میں معاشرے کے سبھی لوگوں نے اس جلوس میں شرکت کےلئے کمر کس لی تھی۔
