کلکتہ 6جولائی (یواین آئی) کلکتہ کے میئر اور مغربی بنگال کی وزیر اعلیٰ ممتا بنرجی کے قریبی ساتھی،فرہاد حکیم کی حالیہ تقریر نے ایک تنازع کھڑا کر دیا ہے۔جب انہوں نے کہا کہ جو لوگ اسلام میں پیدا نہیں ہوئے وہ بدقسمت ہیں۔ انہوں نے اپنی تقریر میں اسلام قبول کرنے کی دعوت دی ہے۔ 3 جولائی کو منعقد ’آل انڈیا قرآن مقابلہ‘ پروگرام کے دوران انہو ں نے خطاب کے دوران یہ باتیں کہیں ۔تقریب کے دوران کلکتہ کے میئر نے کہاکہ ’وہ لوگ بدقسمت ہیں جو اسلام میں پیدا نہیں ہوئے!وہ بدقسمتی کے ساتھ پیدا ہوئے ہیں۔ ہمیں انہیں اسلام کے دائرے میں لانا ہے۔ان کے تبصروں پر بی جے پی کے آئی ٹی سیل کے سربراہ امیت مالویہ نے سیاست شروع کردی ہے اور اس کو مسلمانوں کی خوشامد سے جوڑ دیا ہے۔
People who were not born into Islam are unfortunate. We have to spread Islam among those people (Hindus), who are not followers of Islam. Those who are born in Islam, will reach jannat.
— Amit Malviya (@amitmalviya) July 5, 2024
– Firhad Hakim, Kolkata Mayor and TMC Leader; 3rd July at Dhono Dhanyo Auditorium, Kolkata.… pic.twitter.com/Nrc9Piz0cI
مالویہ نے ایکس پر لکھاکہ ’مغربی بنگال میںخوشامد کی سیاست کرنا ترنمول کانگریس کا شیوہ رہا ہے۔ترنمول کانگریس خوشامد کی سیاست کے ذریعہ جہاں جیت حاصل کررہی ہے وہیں پولنگ کے بعد تشدد کے واقعات میں اضافہ ہورہا ہے ۔مالویہ نے کھلے عام ایک پریمی جوڑے کی پٹائی کو اسلامی شریعت کا حوالہ بھی دیا ہے۔اس پورے معاملے میں فرہاد حکیم کی طرف سے کوئی وضاحت نہیں آئی ہے۔ان کی تقریر کا ویڈیو کلپ بھی جاری کیا گیا ہے۔تاہم یہ واضح نہیں ہے کہ انہوں نے یہ باتیں کس پس منظرمیں دیا ہے۔
