نئی دہلی: نیشنل کیڈیٹ کورپس،جامعہ ملیہ اسلامیہ کو بینڈ آلات کی حوالگی کے لیے جامعہ کے انتظامیہ بلاک کی عمارت میں تیئس مئی دوہزار تئیس کو باقاعدہ ایک تقریب منعقد ہوئی۔ این سی سی دہلی ڈائریکٹوریٹ کے ایڈیشنل ڈائریکٹر میجرل جنرل ایس پی وشواس راؤ ایس ایم نے عزت مآب شیخ الجامعہ،جامعہ ملیہ اسلامیہ پروفیسر نجمہ اختر کرنل کمانڈینٹ نیشنل کیڈٹ کورپس،جامعہ ملیہ اسلامیہ کو بینڈ کے آلات پیش کیے۔این سی سی،جامعہ ملیہ اسلامیہ کو جو بینڈ آلات دیے گئے ہیں ان میں بیگ پائپس،پائپ چینٹرریڈس، پریکٹس چینٹرس،ترم،ٹینر ڈرمس، سائڈ ڈرمس،براس ڈرم اسٹینڈ اورپائب بینڈ سے متعلق دیگر آلات موسیقی شامل ہیں۔ان پائب بینڈ آلات کی شمولیت سے جامعہ ملیہ اسلامیہ کی موجودہ بینڈ ٹکڑی کی صلاحیتوں اضافہ ہوا ہے۔
این سی سی کی اعزازی کوآرڈی نیٹر پروفیسر تسنیم مینائی اور این سی سی کے ایسو سی ایٹ عہدیداروں اوراین سی سی کی نگہ داشت سے وابستہ افسران نے عزت مآب شیخ الجامعہ،جامعہ ملیہ اسلامیہ پروفیسر نجمہ اختر کی آمد پر ان کا پر خلوص خیر مقدم کیا۔این سی سی کیڈٹس نے عزت مآب شیخ الجامعہ،جامعہ ملیہ اسلامیہ پروفیسر نجمہ اختر کا پرتکلف استقبال کیا جس کے بعد این سی سی دہلی ڈائریکٹوریٹ کے ایڈیشنل ڈائریکٹر میجرل جنرل ایس پی وشواس راؤ ایس ایم کو گارڈ دیا گیا۔
جامعہ این سی سی کو بینڈ آلات کی تفویض کی تقریب میں گروپ کیپٹن کمار دیش دیپک،گروپ ڈائریکٹوریٹ،کرنل عبدالباسط اے ہنگل، چار ڈی بی این کے کمانڈنگ افسر اور کیپٹن (ان) نالین۔کے مشرا،دہلی بحریہ اکائی،این سی سی کے دو کمانڈ نگ عہدیدار شامل رہے۔پرگروام میں مختلف فیکلٹیز کے ڈینز نیز ڈین،اسٹوڈینٹس ویلفیئر اور یونیورسٹی کے دیگر عہدیدار بھی شریک ہوئے۔
پروفیسر نجمہ اختر نے جامعہ ملیہ اسلامیہ کے این سی سی کیڈٹ کورپس کو بھرپور تعاون دینے کے لیے میجر جنرل ایس پی وشواس راؤ ایس ایم٭٭کا شکریہ ادا کیا اور امید ظاہر کی اس سے جامعہ ملیہ اسلامیہ کی این سی سی کیڈٹ کورپس کی صلاحیتوں میں اضافہ ہوگا ساتھ ہی یونیورسٹی کے دوسرے ہونہار طلبا کو بھی اس کا موقع فراہم ہوگاکہ وہ یونیورسٹی میں منعقد ہونے والے مختلف رسمی اہم پروگراموں میں بینڈ کے آلات کا بہتر ا ستعمال کریں۔این سی سی دلی ڈائریکٹوریٹ کے ایڈیشنل نے این سی سی پریڈ گراؤنڈ کا دورہ کیا جہاں انھوں نے این سی سی کیڈٹ کو پتھروں پر چڑھنے کی ٹریننگ کا منظر دیکھا۔انھوں نے گروپ کمانڈر،کمانڈنگ افسران،این سی سی کی اعزازی کوآرڈی نیٹر ک اور این سی سی کے دیگر عہدیداران کے ساتھ یونیورسٹی فائرنگ رینج کا بھی جائزہ لیا اور این سی سی کی سرگرمیوں میں جامعہ کے طلبا کی شراکت بڑھانے کے لیے مطلوبہ بنیادی ڈھانچہ تیار کرانے میں مدد کا وعدہ بھی کیا۔
جامعہ این سی سی کے ایسو سی ایٹ لیفٹنٹ رجنیش کمار، O/IIامت صبا،
II/Oحیات عالم اور کیئر ٹیکر افسران ڈاکٹر عارف محمد،ڈاکٹر امت کمار اورڈاکٹرعطاء الرحمان، سابق سینیئراین سی سی کیڈٹس، فوج اوربحریہ کے این سی سی آفس اسٹاف،سینئیر اور جونیر ڈویژن /ونگ نے پروگرام کو کامیاب بنانے کے لیے جانفشانی سے کام کیا۔
