ہندوستان میرے لیے بہترین جگہ: دلائی لامہ

دھرم شالہ(یو این آئی) تبت کے 14ویں روحانی پیشوا دلائی لامہ نے کہا ہے کہ وہ ہندوستان کو اپنے لیے بہترین جگہ سمجھتے ہیں اور کانگڑا ان کے لیے سابق وزیر اعظم پنڈت نہرو کا بہترین انتخاب ہے۔ ساتھ ہی انہوں نے کہا کہ چین واپس جانے کی کوئی وجہ نہیں ہے۔
مسٹر دلائی لامہ بودھ گیا کے راستے دہلی روانہ ہونے سے قبل پیر کو کانگڑا ہوائی اڈے پر صحافیوں سے بات چیت کر رہے تھے۔
میڈیا کے نمائندوں سے بات کرتے ہوئے توانگ کے معاملے پر تبصرہ کرنے کے لیے پوچھے گئے ایک سوال کے جواب میں انہوں نے کہا، ’’اب عام طور پر بات کی جائے تو چیزیں بہتر ہو رہی ہیں، میرے خیال میں یورپ اور افریقہ اور ایشیا میں بھی۔ اب چین بھی زیادہ لچکدار ہے لیکن واپس چین جانے کا کوئی مطلب نہیں ہے۔ مجھے ہندوستان پسند ہے اور میرے لئے پنڈت نہرو کی پسند کانگڑا کو سب سے زیادہ پسند کرتا ہوں۔
مسٹر دلائی لاما نے کہا کہ یہ جگہ میری مستقل رہائش ہے۔ انہوں نے دھرم شالہ میں رہنے کو بہت مناسب بتایا۔
مسٹر دلائی لاما آج صبح تقریباً 10.30 بجے کانگڑا ہوائی اڈے کے لیے تھیگچین چولنگ میں واقع اپنی رہائش گاہ سے روانہ ہوئے اور راستے میں تبتی عقیدت مندوں نے ان کا استقبال کیا۔
مسٹر دلائی لاما دہلی اور بہار کے دورے کے لیے دھرم شالہ سے روانہ ہوئے۔ وہ دو تین دن دہلی میں قیام کریں گے اور پھر روحانی تعلیمات اور دیگر پروگراموں کے لیے بہار کے بودھ گیا جائیں گے۔ دہلی میں کچھ میٹنگوں اور پروگراموں کے علاوہ ان کا ہیلتھ چیک اپ بھی ہوگا۔