ناگپور: مریضوں کی مدد کے لیے "راحت ایپلی کیشن ایپ” لانچ

ناگپور: آج دنیا نے گلوبل ولیج کی شکل اختیار کر چکی ہے۔ جدید دور میں ہر چیز موبائل اسکرین پر آ گئی ہے۔ جیسے ہی آپ اپنی انگلی کو موبائل کے کی بورڈ دباتے ہیں، پلک جھپکتے ہی یہ آپ کی آنکھوں کے سامنے آ جاتی ہے۔ ان خیالات کا اظہار آئیڈیل ریلیف کمیٹی ٹرسٹ کے سیکرٹری مظہر فاروقی نے "میڈیکل گائیڈنس سنٹر، میڈیکل سروس سوسائٹی ناگپور اور جماعت اسلامی ہند ناگپور” کے مشترکہ زیر اہتمام "ایپ لانچنگ پروگرام” میں اظہار خیال کیا۔ یہ پروگرام مرکز اسلامی ہال، جعفر نگر، ٹیچرس کالونی میں منعقد کیا گیا تھا۔ انہوں نے مزید کہا کہ آئیڈیل ریلیف کمیٹی ٹرسٹ گزشتہ 18 سالوں سے ریاست میں قدرتی آفات کے دوران ہنگامی امداد، صحت، تعلیم اور روزگار کے میدان میں بہتر خدمات فراہم کر رہا ہے۔ اس بدلتی دنیا میں ٹرسٹ نے مریضوں کی مدد کے لیے "راحت ایپلی کیشن ایپ” کا آغاز کیا ہے۔ انہوں نے کہا کہ تعلیم کے میدان میں بھی ہم ’’آن لائن سپانسر شپ بیسڈ کفالت پراجیکٹ‘‘ چلاتے ہیں۔ ممبئی کی سلم آبادیوں میں پہلی سے دسویں جماعت کے 800 طلباء اس سے وابستہ ہیں۔ ان کی سالانہ فیس بھی ادا کی جاتی ہے۔ انہوں نے کہا کہ یہ کام جھوٹی یقین دہانی پر نہیں کرائے جاتے بلکہ ہم واقعی عوام کے اچھے دن لانے کے لیے تیاری کر رہے ہیں۔ ان کے لیے ہماری کوششیں ٹرسٹ کے ذریعے جاری ہیں۔
ایپ کا ڈیمو اور فیچرز پیش کرتے ہوئے ٹرسٹ کے ممبر رضوان احمد نے کہا کہ اس ایپ میں میڈیکل کے شعبے میں کام کرنے والے سرکاری اور پرائیویٹ ہسپتالوں، تشخیصی مراکز، ایمبولینسز اور این جی اوز کے بارے میں مکمل معلومات اپ لوڈ کی گئی ہیں۔ انہوں نے حاضرین سے کہا کہ وہ پلے سٹور سے اس ایپ کو انسٹال کریں اور علاج کے لیے آنے والے مریضوں تک پہنچنے کی کوشش کریں اور اس حوالے سے رائے بھی دیتے رہیں۔
جماعت اسلامی ہند کی یوتھ ونگ کے ریاستی صدرمحمد عمر خان نے پوری ریاست میں طبی میدان میں کئے جا رہے خدماتی کاموں کو پیش کیا۔
پروگرام کے اختتام پر آئیڈیل ریلیف کمیٹی ٹرسٹ کے سیکرٹری مظہر فاروق نے اس میڈیکل ایپ کو لانچ کیا۔ اس موقع پر جماعت اسلامی ہند ناگپور کے نو منتخب ناظم شہر ڈاکٹر خواجہ اظہار احمد، میڈیکل سروس سوسائٹی ناگپور کے صدر ڈاکٹر نعیم نیازی اور جے آئی ایچ ناگپور کے سابق ناظم شہر ڈاکٹر انوار صدیقی موجود تھے۔ تلاوت قرآن پاک سے ایم ایس ایس کے ممبر ڈاکٹر عدنان الحق نے پروگرام کا آغاز کیا۔ نظامت کے فرائض ڈاکٹر صدیق احمد نے ادا کئے۔