شاہی امام پنجاب مولانامحمد عثمان لدھیانوی نے ہمسایہ ملک کی حرکت کوشرمناک بتایا
لدھیانہ( پریس ریلیز ) آج یہاں مجلس احرار اسلام ہند کے قومی صدر دفتر میں پنجاب کے شاہی امام مولانا محمد عثمان رحمانی لدھیانوی نے پریس کانفرنس کو خطاب کرتے ہوئے کہا کہ پہلی مرتبہ بھارت سے پیدل مکہ مکرمہ اور مدینہ منورہ جا رہے کیرالہ کے جناب شہاب چتر کو ویزا دینے سے انکار کر کے نہایت شرمناک حرکت کی ہے۔ شاہی امام مولانا محمد عثمان رحمانی لدھیانوی نے تفصیل بتاتے ہوئے کہا کہ شہاب چتر نے پیدل سفر حج شروع کرنے سے پہلے پاکستان کی بھارت میں ایمبیسی سے رابطہ کیا تھا۔ اس وقت دہلی میںپاکستان ہائی کمشنر نے کہا شہاب بھائی سے کہا کہ آپ اپنا سفر شروع کرد یں کیونکہ ویزا کی معیاد تین ماہ ہوتی ہے اور ابھی کیونکہ آپ کو بھارت میں ہی تین ماہ سفر کرنا ہے، آپ جب واگہا باڈر کے قریب ہونگے تو آپ کو ویزا دے دیا جائے گا ، اور جب شہاب بھائی اب بھارتیہ پنجاب سے گزرتے ہوئے سرحد کے قریب پہنچ گئے ہیں تو پاکستان ہائی کمیشن نے نخرے دکھانے شروع کر دئے۔ گزشتہ بیس دن سے پاکستان ہائی کمشنر شہاب بھائی کو پریشان کر رہا ہے اب ان کے سامنے شرائط لگا رہا ہے کہ اپنی حکومت سے لکھوا کر دو تو ویزا دیںگے۔ شاہی امام مولانا محمد عثمان لدھیانوی نے کہا کہ حد تو یہاں تک ہو گئی کے ابھی تک پاکستان ایمبیسی نے شہاب بھائی کا پاسپورٹ تک نہیں لیا ، پاکستان کے افسران ایسے پیش آرہے ہیں کہ گویا یہ پیدل حج پر نہیں کسی تقریب کےلئے ویزا مانگ رہے ہوں۔ شاہی امام مولانا محمد عثمان رحمانی لدھیانوی نے کہا کہ پاکستان حکومت کے افسران کی اس بے رخی پر شہاب بھائی حیران و پریشان ہیں۔ انہوں نے کہا کہ میری اب تک شہاب چتر سے ملاقاتوں کے درمیان جو بات سامنے آئی وہ یہ تھی کہ اچانک پاکستان ایمبیسی کا اس مقدس سفر کو روکنا کیوں چاہتی ہے۔ پریس کانفرنس کو خطاب کرتے ہوئے شاہی امام مولانا محمد عثمان رحمانی لدھیانوی نے کہا کہ پاکستان کی حکومت کو شرم آنی چاہئے، اسلام کے نام کا ڈھنڈورا پیٹنے والے ملک میں سے ایک پیدل حج پر جا رہے انڈین مسلمان کو گزرنے کی اجازت نہیں دی جا رہی۔ شاہی امام نے کہا کہ بھارت کے مسلمانوں نے پڑوسی دیش سے کبھی کچھ نہیں چاہا۔ پہلی مرتبہ اپنے ایک ہم وطن دینی بھائی کےلئے مکہ مدینہ جانے کے لئے راستہ مانگا ہے۔ اس میں بھی شہاز شریف کی حکومت اور پاک ہائی کمیشن انکار کر رہا ہے۔
شاہی امام نے کہا کہ محسوس ہو رہا ہے کہ شہاب کا قصور بھارتیہ مسلمان ہونا ہے، ورنہ اگر کچھ قانونی پیچیدگی بھی ہوتی تو بھی پاکستان کی حکومت اپنے خصوصی اختیارات کا استعمال کر کے شہاب چتر صاحب کو ویزا دے سکتی تھی۔ شاہی امام نے کہاایک طرف جہاں پاکستان کے مسلمان شہاب بھائی کا استقبال کرنا چاہتے ہیں وہیں، دوسری طرف بھارت میں ان کی ایمبیسی اس معاملہ میں زیادتی کر ہی ہے۔ شاہی امام نے کہاکہ حکومت پاکستان نے حاکم اور افسران یہ سمجھ رہے ہیں کہ وہ اس مقدس سفر کو روک کر اپنا کچھ مفادات حاصل کر سکتے ہیں تو یہ ان کی خام خیالی ہے۔ اگر پاکستان کا ویزا نہ دیا گیا تو انشاء اللہ چین کے رستے یہ مقدس سفر مکمل کیا جائے گا۔ شاہی امام پنجاب مولانا محمد عثمان رحمانی لدھیانوی نے اس موقع پر بھارت کے پردھان منتری کواپنی جانب سے ائی میل خط میں گزارش کی ہے کہ شری نریندر بھائی مودی جی شہاب بھائی کے اس مقدس سفر کو مکمل کروانے کے لئے ودیش منترالہ کو آدیش دیں ،چین اور تاجکستان کے راستہ شہاب چتر کو مکہ بھیجنے کے انتظامات کر ویں ۔
