طلبہ عربی زبان پر عبور حا صل کریں : مولانا حسن اکبر

لکھنؤ: حو زہ علمیہ ابوطالبؑ دوبگا روڈ ، میں مرکز علم’’ نجف ‘‘سے تشریف لائے حجۃ الاسلام عالیجناب مولانا سید حسن اکبر صاحب قبلہ نے حوزہ علمیہ ابوطالب ؑ لکھنؤ کے طلبہ اساتذہ سے ملاقات کی۔انہوں نے طلبہ کو خطاب کرتے ہوئے کہاکہ ہمیں عربی پہ کام کرکے زیادہ سے زیادہ بہتر بنانا ہے تاکہ طلبہ کی عربی فہمی اور عربی تکلم کو مضبوط بنایا جائے۔طلبہ ہمیشہ تعلیمی سر گرمیوں کو اپنی ترجیحات میںشامل کریں ۔ علم ہی وہ نور ہے جس کےحا صل کر کے انسان دینی و دنیا وی اور اخروی مقاصد کو حا صل کر سکتا ہے ۔
مولانا سید حسن اکبر نے آخر میں کہاکہ ہمیشہ علم کے تئیں حساس رہیں ۔ علم وہ نو رانی و روحانی سرمایہ ہے کے ذریعہ سماجی برائیوں کو ختم کیا جا سکتا ہے ۔ علم کے ساتھ عمل بھی ضروری ہے ۔ اگر علم کے ساتھ عمل نہیں ہے تو علم کسی کام نہیں ہے ۔ انہوں نے طلبہ کو نصیحت کرتے ہوئے کہاکہ ہمیشہ کلاس اسباق پر مکمل دھیان دیں ،طلبہ کے لیے ضروری ہے کہ کلاس میں نوٹ بک لیکر جائیں تاکہ استاد کی نصیحتوں اور ان کی قیمتی باتوں نوٹ کرلیں جو آگے چل آپ کے لیے مشعل راہ ہوگی ۔ اپنے استاد کی عزت کریں اور ان کی ہدایتوں پر عمل کریں ۔ کوئی بھی طلبہ استاد نصیحتوںکو بھلا کر اپنی منزل مقصود نہیں پہنچ سکتا ہے ۔