[دمبولا، 20 جولائی (یو این آئی) گیند بازوں کی شاندار کارکردگی کے بعد وشمی گنارتنے (51) اور ہرشیتھا سماراویکرما (33) رنوں کی بہترین اننگز کی بدولت سری لنکا نے خواتین ایشیا کپ کے چوتھے میچ میں بنگلہ دیش کو 17 گیندیں باقی رہتے سات وکٹوں سے شکست دے دی۔
آج یہاں بنگلہ دیش کی خواتین ٹیم نے ٹاس جیت کر پہلے بیٹنگ کا فیصلہ کیا۔ بلے بازی کرنے اتری بنگلہ دیش کا آغاز انتہائی خراب رہا اور اس نے ایک وقت 1.3 اوورز میں 17 کے اسکور پر چار وکٹیں گنوا دیں۔ دلارا اختر (6)، اسماء تنظیم (0)، روبیہ حیدر (0)، ریتو مونی (3) رنز بنانے کے بعد آؤٹ ہوئیں۔ اس کے بعد کپتان نگار سلطانہ نے شریفہ خاتون کے ساتھ مل کر اننگ کو سنبھالنے کی کوشش کی۔ پانچویں وکٹ کی شکل میں شریفہ خاتون (5) رنز بنانے کے بعد آؤٹ ہوئیں۔ چھٹا وکٹ رابعہ خان (10) کا گرا۔ شورنا اختر نے شاندار بلے بازی کا مظاہرہ کرت ہوئے 14 گیندوں پر 25 رنز بنائے۔ نگار سلطانہ نے چھ چوکوں کی مدد سے 48 رنز کی ناقابل شکست اننگ کھیلی۔ بنگلہ دیش کی ٹیم مقررہ 20 اوورز میں آٹھ وکٹوں پر صرف 111 رنز بنا سکی۔
سری لنکا کی جانب سے اودیشیکا پربودھینی اور اینوشی پریادرشنی نے دو دو وکٹیں حاصل کیں۔ سوگندھیکا کماری، کاویشا دلہاری اور چماری اٹاپتو نے ایک ایک بلے باز کو آؤٹ کیا۔
112 رنز کے ہدف کا تعاقب کرتے ہوئے وشمی گنارتنے اور کپتان چماری اٹاپتو نے اننگ کا اچھا آغاز کرنے کی کوشش کی۔ دونوں بلے بازوں نے پہلے وکٹ کے لیے 32 رنز جوڑے۔ چماری اٹاپاتو (12) چھٹے اوور میں 12 رنز بنانے کے بعد آؤٹ ہوئیں۔ اس کے بعد وشمی گونارتنے اور ہرشیتا سماراویکرما نے شاندار بلے بازی کا مظاہرہ کیا اور دوسرے وکٹ کے لیے 54 رنز کی شراکت قائم کی۔ دوسرے وکٹ کے طور پر، وشمی گنارتنے 48 گیندوں میں 51 رنز بنانے کے بعد آؤٹ ہوئیں۔ ہرشیتا سماراویکرما نے 31 گیندوں میں 33 رنز کی اننگ کھیلی۔ کاویشا دلہاری 12 رنز بنانے کے بعد ناٹ آؤٹ رہیں۔ سری لنکا کی ٹیم نے 17.1 اوورز میں تین وکٹوں پر 114 رنز بنائے اور میچ سات وکٹوں سے جیت لیا۔بنگلہ دیش کی جانب سے ناہیدہ اختر نے 12 رنز دے کرتین وکٹیں حاصل کیں۔
