دبئی(ایجنسیاں):متحدہ عرب امارات نے عرب دنیا کا پہلا مشن چاند پر روانہ کر دیا ہے۔ میڈیا رپورٹ کے مطابق راشد روور کو چاند پر بھیجنے کے لیے فلوریڈا سے اسپیس ایکس راکٹ نے آج اڑان بھری۔ یو اے ای کے نائب صدر شیخ محمد بن راشد اور دبئی کے ولی عہد شیخ حمدان بن محمد نے دبئی میں قائم اسپیس سینٹر کے کنٹرول روم سے راشد روور کی پرواز کا جائزہ لیا۔
Our next stop is 384,400km away. We look forward to Rashid leaving an Arab footprint on the surface of the Moon. We thank Team @MBRSpaceCentre for the launch of the Rashid Rover and for raising the UAE flag in space pic.twitter.com/oQWkxGwsQ9
— Hamdan bin Mohammed (@HamdanMohammed) December 11, 2022
شیخ حمدان نے ٹوئٹ کرتے ہوئے کہا کہ چاند پر پہنچنا اس قوم کےلیے ایک اور سنگ میل ہے جس کے عزائم کی کوئی حد نہیں۔
ان کا کہنا تھا کہ راشد روور یو اے ای کے عظیم اسپیس پروگرام کا حصہ ہے جو مریخ سے شروع ہو کر چاند پر قدم رکھ رہا ہے اور سیارہ زہرہ تک جائے گا۔
اماراتی روور کو خلا میں لے جانے کے لیے راکٹ نے صبح 11 بج کر 38 منٹ پر اڑان بھری، جسے امریکی خلائی فورس کے لانچ پیڈ سے روانہ کیا گیا۔یاد رہے کہ صرف امریکا، سابق سوویت یونین اور چین کو یہ اعزاز حاصل ہے کہ ان کے بھیجے گئے مشنز چاند پر پہنچے۔ حال ہی میں اسرائیل نے بھی چاند پر مشن بھیجنے کی کوشش کی تھی لیکن وہ لینڈنگ کے دوران تباہ ہوگئے تھے۔
