نئی دہلی: ہندوستان میں افغانستان کا سفارت خانہ اور سفارتی مشن مستقل طور پر بند کیا جا رہا ہے۔ نئی دہلی میں افغانستان کے سفیر فرید ماموندزئی نے جمعہ کو یہ اطلاع دی۔ خبروں کے مطابق یہ فیصلہ فوری طور پر نافذ العمل ہوگیا۔ انہوں نے ایک بیان جاری کرتے ہوئے کہا کہ ہمیں یہ بتاتے ہوئے افسوس ہو رہا ہے کہ نئی دہلی میں افغانستان کا سفارت خانہ اور سفارتی مشن فوری طور پر مستقل طور پر بند کیا جا رہا ہے۔ انکا کہنا تھا "ہمیں حکومت ہند کی طرف سے مسلسل چیلنجز کا سامنا تھا، 30 ستمبر کو ہم نے سفارت خانے کا آپریشن بند کر دیا اور امید ظاہر کی کہ سفارت خانے کے حوالے سے حکومت ہند کا موقف بدل جائے گا اور اسلامی جمہوریہ افغانستان کے حق میں ہو گا، لیکن اس کے بعد بھی آٹھ ہفتے سفارت کاروں کے ویزے کی مدت میں توسیع نہیں کی گئی اور نہ ہی حکومت ہند کے موقف میں کوئی تبدیلی آئی، ایسی صورتحال میں طالبان اور حکومت ہند کے بڑھتے ہوئے دباؤ کے درمیان سفارت خانے کو یہ مشکل فیصلہ کرنا پڑا۔ "
Press Statement
— Farid Mamundzay फरीद मामुन्दजई فرید ماموندزی (@FMamundzay) November 24, 2023
FOR IMMEDIATE RELEASE
Date: 24th November, 2023
The Embassy of the Islamic Republic of Afghanistan announces permanent closure in New Delhi.
The Embassy of the Islamic Republic of Afghanistan in New Delhi regrets to announce the permanent closure of its 1/6 pic.twitter.com/3WXSwWhJTu
بیان میں مزید کہا گیا ہے کہ”ہندوستان 2001 سے جمہوریہ افغانستان کا اسٹریٹجک پارٹنر رہا ہے۔ ہم سمجھتے ہیں کہ جغرافیائی طور پر حساس خطے میں توازن کی پالیسی اپنانا ضروری ہے اور اس سلسلے میں ہندوستان کی اپنی حدود اور خدشات ہیں۔ اس لیے ہم سمجھتے ہیں کہ سفارت خانے کو بند کرنا اور اس کی کسٹڈی میزبان ملک (بھارت) کو فی الوقت دینا افغانستان کے مفاد میں موزوں ترین فیصلہ ہے”۔
بی بی سی کی رپورٹ کے مطابق سال 2021 میں طالبان کے اقتدار میں آنے کے بعد افغانستان کا نام اسلامی جمہوریہ افغانستان سے تبدیل کرکے امارت اسلامیہ افغانستان رکھ دیا گیا۔ ہندوستان میں جو سفارت خانہ کام کررہا تھا،وہ اشرف غنی حکومت کے تحت اسلامی جمہوریہ افغانستان کا تھا۔ لیکن اب افغانستان کے حالات بدل چکے ہیں، اس لیے یہ سفارت خانہ بند کیا جا رہا ہے۔
