پران پرتشٹھا پروگرام میں شرکت کے لئے نقوی کوملا دعوت نامہ

نئی دہلی (یو این آئی ) سابق مرکزی وزیر اور بھارتیہ جنتا پارٹی کے سینئر لیڈر مختار عباس نقوی کو 22 جنوری 2024 کو اجودھیا میں شری رام جنم بھومی میں عظیم الشان رام مندر کی "پران پرتیسٹھا” کے موقع پر مدعو کیا گیا ہے وشو ہندو پریشد کے دہلی ریاستی صدر اور راشٹریہ سویم سیوک سنگھ کے ریاستی رابطہ سربراہ نے بھگوان شری رام مندر کے "پران پرتیشتھا” کی تقریب میں شرکت کے لئے آج نئی دہلی میں مسٹر نقوی کو دعوت نامہ دیا۔
اس موقع پر مسٹر نقوی نے کہا ’’مجھے ایک تاریخی لمحے کا خوش قسمت گواہ بننے کے لیے مدعو کیا گیا ہے۔مسٹر کھنہ نے کہا”22 جنوری کو اجودھیا دھام میں رام لالہ جی کی زندگی کی تقدیس کا اہتمام کیا جا رہا ہے۔ یہ ہم سب کی خوش قسمتی ہے کہ ہمیں یہ دن دیکھنے کو مل رہا ہے، 500 سال کی جدوجہد، 500 برسوں کے انتظار اور ایثار کا یہ نتیجہ ہے۔‘‘ ’’ہم مسٹر نقوی کے لیے دعوت نامہ لائے ہیں، رام للا نے انھیں ایودھیا جی دھام بلایا ہے۔