بغیر فیصلہ کے معاملوں کو ریزرو رکھنا غلط: چیف جسٹس

نئی دہلی: چیف جسٹس آف انڈیا (سی جے آئی) ڈی وائی چندرچوڑ نے عدالتی معاملات کو مہینوں تک ریزرو رکھنے میں ججوں کے رویہ پر برہمی کا اظہار کیا ہے۔ پیر کو ایک کیس کی سماعت کے دوران، سی جے آئی نے کہا کہ جج 10 ماہ سے زیادہ کے لیے فیصلہ دیے بغیر کیس کو محفوظ رکھتا ہے۔ یہ تشویش کا موضوع ہے۔چندر چوڑ نے کہا- اتنے لمبے عرصے کے بعد اگر کیس کی دوبارہ سماعت ہوتی ہے تو پچھلی سماعت کے دوران دیے گئے زبانی دلائل سے کوئی فرق نہیں پڑتا ہے۔ جج بھی بہت سی باتیں بھول جاتے ہیں۔ سی جے آئی نے کہا کہ انہوں نے اس معاملے کو لے کر تمام ہائی کورٹس کو خط لکھے ہیں۔
انہوں نے کہا- خط کے بعد میں نے دیکھا کہ بہت سے جج صرف مقدمات کو ڈی ریزرو کرتے ہیں، ان کی فہرست بناتے ہیں اور پھر جزوی سماعت کرتے ہیں۔ ہم امید کرتے ہیں کہ ملک کی زیادہ تر ہائی کورٹس میں یہ رجحان نہیں ہے۔
چیف جسٹس چندر چوڑ، جسٹس جے بی پارڈی والا اور جسٹس منوج مشرا کی بنچ نے ہائی کورٹ سے کہا کہ وہ اس معاملے کو جلد نمٹائے اور پہلے سمری سماعت کے لیے معاملے کی دوبارہ فہرست بنائے۔ ہم آپ (ہائی کورٹس) کا بوجھ سمجھتے ہیں۔