اورنگ آباد ، 2 دسمبر ( یو این ائی) مہاراشٹر کے ضلع جالنہ میں 21 مسلم جوڑوں کی اجتماعی شادیوں کی تقریب منعقد کی گئی۔ یہ تقریب راحت سوشل گروپ جالنہ کے زیر اہتمام 23ویں مسلم اجتماعی شادیوں کی تقریب کے طور پر عائشہ لانس، اردو ہائی اسکول کے پیچھے، پرانے جالنہ میں ہوئی، جہاں قاضی سید عبدالواحد نے نکاح کا خطبہ دیا۔
اس موقع پر سابق رکن اسمبلی کیلاش گورنتیال نے اپنے صدارتی خطاب میں راحت سوشل گروپ جالنہ کے اس اقدام کو سراہا اور کہا کہ یہ اقدام قابل تحسین ہے کیونکہ مسلم اجتماعی شادیاں بغیر کسی رکاوٹ کے منعقد کی جا رہی ہیں اور اس میں مزید اضافہ ہو رہا ہے۔ انہوں نے بتایا کہ اب تک چھ سو سے زائد مسلم جوڑے اجتماعی شادیوں کی تقریب میں شریک ہو چکے ہیں، اور ہم ہمیشہ راحت سوشل گروپ جالنہ کے ساتھ ہیں۔
رکن اسمبلی ڈاکٹر کلیان کالے نے اس موقع پر راحت سوشل گروپ جالنہ کی کامیاب اجتماعی شادیوں کی تعریف کرتے ہوئے کہا کہ یہ نہ صرف ایک سماجی خدمت ہے بلکہ ملک و قوم کے لیے بھی فائدہ مند ہے۔ انہوں نے مزید کہا کہ راحت سوشل گروپ جالنہ اس اہم فریضہ کو بخوبی نبھا رہا ہے اور ہم ان کے اس کام میں ہر ممکن تعاون فراہم کریں گے۔ تقریب میں اقبال پاشا، ونائک مہاراج پھولمبریکر، اور گنیش سپارکر نے بھی اپنے خیالات کا اظہار کیا اور راحت سوشل گروپ جالنہ کی کارکردگی کو سراہا۔
اس موقع پر راحت سوشل گروپ جالنہ کی جانب سے مختلف افراد کو "راحت گورو سنمان” سے نوازا گیا جن میں عبید عبدالرحمن ہدا، عمران عنایت خان، عبداللہ چاس، جاوید خان سلیم خان، عائشہ بانو سکندر علی، چندن کابل مل گیہی، شاہ نواز خان، ڈاکٹر شیخ جاوید، ڈاکٹر شیخ عبدالمتین، پولیس کانسٹیبل دگمبر پایجن، فیروز باغبان، اور بشریٰ حسین برکت الدین شامل ہیں۔
تقریب کی ابتدا حافظ سید اسرار کی تلاوت کلام پاک اور نعتیہ کلام سے ہوئی۔ نظامت کے فرائض ڈاکٹر سلیم نواز حشر جعفرآبادی اور سیکرٹری راحت سوشل گروپ جالنہ لیاقت علی خان یاسر نے ادا کیے، جبکہ شکریہ کا کلمہ صدر راحت سوشل گروپ شیخ افسر نے ادا کیا۔
اس تقریب میں دیگر اہم شخصیات میں اقبال پاشا، محمد نسیم چودھری، ونائک مہاراج پھولمبریکر، ایوب خان، حاجی شیخ عبدالواحد، فیصل بن سالم بن سمیعہ، سائی ناتھ پوار، بشارت علی خان اختر، گنیش سپارکر، ماجد عرف سلمان بھائی، موہن اینگل، ڈاکٹر مشیر انعامدار، گوپال موڑ، انس چاؤس، حاجی یوسف خان، پرساد کلکرنی، عتیق احمد خان، عبدالکریم بلڈر، قاضی سید عبدالواحد، حافظ سید اسرار، اور دیگر افراد نے شرکت کی۔ راحت سوشل گروپ جالنہ کے صدر شیخ افسر، سیکرٹری لیاقت علی خان یاسر، شیخ سلیم شیخ محمد، شیخ سلیم شیخ شکور، سید اختر، شیر زمان خان، سید جاگیردار، سید اعجاز، ظفر خان، محبوب شیخ، شیخ قمر، شیخ رشید، سونو، خضر فاروق، عمار یاسر، اسام شیخ، احمد جاگیردار، شیخ فہیم، شیخ محبوب، سید شاکر، شیخ سلیم شیخ شکور، سید جاگیردار، محمد ہاشم، حسین خان اور شیخ جمیر بھی تقریب میں موجود تھے۔
