نئی دہلی(یو این آئی)ایچ سی ایل فاؤنڈیشن نے ہندوستان میں دستکاری شعبے کومستحکم کرنے کے لئے نیشنل کرافٹس میوزیم، نئی دہلی میں مائی ای ہاٹ کنکلیو2024 کا انعقاد کیا اس موقع پرگلوبل سی ایس آر، ایچ سی ایل فاؤنڈیشن کے سینئر نائب صدر ڈاکٹر ندھی پندھیرنے کہا کہ اہم فریقوں کو مجتمع کرکے،ہمارامقصد دستکاروں کے لئے پائیدار راستے بنانا ہے،تاکہ ان کی روایات زندہ رہیں۔اس کنکلیو نے پالیسی سفارشات اور بااختیار کاریگروں کو تعاون کی حوصلہ افزائی کی۔ غیر سرکاری تنظیموں اور صنعت کے رہنماؤں کے درمیان جو مارکیٹ تک رسائی اور عالمی مطالبات کو پورا کرنے کے لیے کاریگروں کو تیار کرنے پر مرکوز ہے۔
مائی ای ہات پہل اپنی ویب سائٹ myehaat.in کے ذریعے ہندوستان بھر کے ہزاروں کاریگروں کو عالمی صارفین سے جوڑتی ہے اور اپنے منفرد سی ایس آر کے زیر اہتمام آن لائن مارکیٹ پلیس کے ذریعے براہ راست مارکیٹ تک رسائی فراہم کرتی ہے۔ مائی ای ہات کنکلیو2024کا بنیادی مقصد دستکاری کی معیشت کو بحال کرنا، کاریگروں کے لیے پائیدار روزی روٹی کو یقینی بنانا اور مارکیٹ تک رسائی بڑھانے کے لیے ٹیکنالوجی کا استعمال کرنا تھا۔
کنکلیو میں دو بڑے پینلز کا اہتمام کیا گیا تھا۔ پہلے پینل نے ‘کرافٹ انٹرپرینیورشپ اور انکیوبیشن’ پر توجہ مرکوز کی، جس میں پائیدار کاروباری اداروں اور صلاحیت کی تعمیر پر تبادلہ خیال کیا گیا۔ اس نے کاروباری اداروں کو بڑھانے کے لیے حکمت عملی بنائی۔ دوسرا پینل ‘انوویشن اینڈ ٹیکنالوجی انٹروینشنز’ پر مبنی تھا، جس نے ٹیکنالوجی کے ذریعے پیداواری صلاحیت، مارکیٹ تک رسائی اور شرکت پر توجہ مرکوز کی تھی۔ اس کا مقصد ڈیجیٹل بااختیار بنانے اور ڈیزائن کی جدت طرازی کے لیے حکمت عملی تیار کرنا تھا۔ ہندوستان میں ایچ سی ایل فاؤنڈیشن عالمی ٹیکنالوجی کمپنی ایچ سی ایل ٹیک کے کارپوریٹ سماجی ذمہ داری کے ایجنڈے کو نافذ ک رتی ہے۔
اس سال کا موضوع دستکاری معیشت کی بحالی، دستکاروں کو بااختیار بنانا، روایات کو فروغ دینا، ہندوستان کی دستکاری برادری کے لئے ایک پائیدار مستقبل کو یقینی بنانے کے لئے ایچ سی ایل ٹیک کے عزم کی نشاندہی کرتا ہے۔ دستکاری کا شعبہ، جس میں 70 لاکھ سے زیادہ کاریگر اور 35000 سے زیادہ منفرد مصنوعات شامل ہیں، ملک کی معیشت کے لیے انتہائی اہم ہے۔
