حج اخراجات جمع کرانے کی تاریخ میں پھر توسیع

نئی دہلی- حج کمیٹی آف انڈیا نے عازمین حج کی سہولت کے لیے عوامی مطالبے پر ویٹنگ لسٹ میں منتخب عازمینِ حج کے لیے حج اخراجات کی پہلی اور دوسری قسط کی رقم 2,72,300 روپے جمع کرنے کی تاریخ میں 06.01.2025 تک توسیع کردی ہے۔ قرعے میں پہلے سے منتخب عازمین بھی 6 جنوری تک حج اخراجات کی دوسری 1,42,000 جمع کر سکتے ہیں۔
حج کمیٹی آف انڈیا کی طرف سے جاری سرکولر میں عازمین سے اپیل کی گئی ہے کہ اس سہولت کا فائدہ اُٹھائیں۔ اب تاریخ میں مزید توسیع کی کوئی گنجائش نہیں ہے۔ عازمین کو رقم جمع کرنے کے لیے ای-پیمنٹ کی سہولت دی گئی ہے جو ویب سائٹ https://hajcommittee.gov.in یا حج سہولت ایپ پر دستیاب ہے، کریڈٹ کارڈ/ڈیبٹ کارڈ/نیٹ بینکنگ/یو پی آئی کے ذریعے۔ عازمین
اسٹیٹ بینک آف انڈیا اور یونین بینک آف انڈیا کی کسی بھی شاخ میں پےِ ان سلپ اور بینک ریفرنس نمبر کے ذریعے حج کمیٹی آف انڈیا کے اکاؤنٹ میں جمع کر سکتے ہیں۔
ویٹنگ لسٹ سے منتخب عازمین رقم کی ادائیگی کرنے کے بعد اصل انٹرنیشنل پاسپورٹ (مشین ریڈ ایبل) ذاتی تصدیق شدہ کاپی ، میڈیکل اسکریننگ اور فٹنیس سرٹیفکٹ، حلف نامہ، بینک کی پے سلپ، حج درخواست فارم کاپی،
08.01.2025 تک جمع کرا دیں۔ حج اخراجات کی تیسری قسط کا اعلان ہوائی جہاز کے کرایے اور سعودی عرب میں ہونے والے اخراجات تعین کے بعد کیا جائے گا مزید تفصیلات کے لیے حج کمیٹی آف انڈیا کی ویب سائٹ https://hajcommittee.gov.in یا ریاستی حج کمیٹیوں کے دفاتر پر رابط کر سکتے ہیں۔