قبرص، 15 جون (یو این آئی) وزیر اعظم نریندر مودی اپنے تین ممالک کے دورے کے پہلے مرحلے میں آج قبرص پہنچے جہاں صدر نیکوس کرسٹوڈولائڈس نے ذاتی طور پر ہوائی اڈے پہنچ کر مسٹر مودی کا استقبال کیا مسٹر مودی کا خصوصی طیارہ ہندوستانی وقت کے مطابق شام 5 بجے قبرص کے لارناکہ بین الاقوامی ہوائی اڈے پر اترا جہاں صدر نیکوس کرسٹوڈولائڈس ان کے استقبال کے لیے موجود تھے ہوائی اڈے پر بڑی تعداد میں ہندوستانی کمیونٹی کے لوگ بھی موجود تھے۔
مسٹر مودی قبرص کے صدر کی دعوت پر 15-16 جون کو دوروزہ سرکاری دورے پر یہاں آئے ہیں۔مسٹر مودی نے سوشل میڈیا ‘ ایکس’ پر پوسٹ میں لکھا، "میں قبرص پہنچ گیا ہوں۔ میں نے ہوائی اڈے پر استقبال کرنے کے لئے قبرص کے صدر نیکوس کرسٹوڈولائڈس کا شکریہ ادا کیا ہے۔ یہ دورہ ہند -قبرص تعلقات کو خاص طور پر تجارت، سرمایہ کاری اور دیگر شعبوں کے لیے اہم ثابت ہو گا۔ ”
وزیر اعظم نریندر مودی قبرص پہنچے ہیں۔ گہرے تاریخی تعلقات کی عکاسی کرنے والے خصوصی اشارے میں صدر کرسٹوڈولائڈس اور وزیر خارجہ کونسٹنٹینوس کمبوریس نے ہوائی اڈے پر وزیر اعظم کا خیرمقدم کیا۔ دو طرفہ تعلقات کو مزید مضبوط کرنے کے لیے وسیع بات چیت جاری ہے”۔مسٹر مودی تین ممالک کے دورے پر ہیں۔ قبرص کے بعد وہ 16-17 جون کو کناڈا میں جی-7 سربراہی اجلاس میں شرکت کریں گے اور واپسی پر کروشیا کا بھی کریں گے۔
