برطانوی وزیراعظم کی سعودی ولی عہد سے ملاقات

بالی (ایجنسیاں): برطانوی وزیراعظم رِشی سوناک نے سعودی عرب کے ولی عہد شہزادہ محمد بن سلمان کے ساتھ بات چیت میں تیل کی منڈیوں کو مستحکم کرنے کی کوششوں پرزوردیا ہے۔نئے برطانوی وزیراعظم نے انڈونیشیا کے جزیرے بالی میں منگل کے روزگروپ 20 کے سربراہ اجلاس کے موقع پر ولی عہد شہزادہ محمد بن سلمان سے ملاقات کی ہے۔
ڈاؤننگ اسٹریٹ (لندن)کے ایک ترجمان نے کہا کہ یوکرین پرروس کے حملے کے بعد توانائی کی قیمتوں میں عالمی سطح پراضافہ ہوا ہے اور اس تناظرمیں وزیراعظم نے اس امید کا اظہارکیا ہے کہ برطانیہ اور سعودی عرب توانائی کی منڈیوں کے استحکام کے لیے مل جُل کرکام جاری رکھیں گے۔ترجمان نے مزیدکہا کہ سوناک نے ایران کی ’’عدم استحکام کی سرگرمیوں‘‘پربھی تبادلہ خیال کیا ہے۔