جعفرآبادمیں آپ لیڈر صدام پردھان کی جانب سے روزہ افطارپارٹی اور جلسہ کا اہتمام

نئی دہلی:جعفرآبادمیں واقع بر مکان حاجی بشیر پردھان نماز تراویح میں قرآن شریف کی تکمیل کے موقع پر روزہ افطار اور جلسہ کا اہتمام کیا گیا تقریبا چھ سو روزہ داروں نے افطار کیا۔ اس موقع روزدہ داروں سے خطاب کرتے ہوئے مولانا طاہر قاسمی نے کہا کہ اللہ نے ہمیں بے شمار نعمتوں سے نواز رکھا ہے۔ ہم اس کی ان نعمتوں کا شکر بھی ادا نہیں کر پا رہے ہیں۔ حضور اکرم فرماتے ہیں کہ اللہ نے ہمیں دو ایسی نعمتیں دی ہیں جن کا ہمیں احساس بھی نہیں اس میں سے ایک صحت ہے۔ آپ لوگوں نے کتنا بڑا ذخیرہ آپ نے اپنے اعمال نامہ میں اکٹھا کر لیا اس کا تصور بھی نہیں کر سکتے۔۔انہوں نے کہا کہ قرآن مجید آپ نے سنا یہ ایک بڑا امر ہے لیکن اس کی ناقدری سے بچنا چاہیے۔ یہ عظیم برکتوں اور رحمتوں والا مہینہ ہے اس کا خیال رکھنا چائیے۔
امیر شریعت دہلی کے نائب امیر شیخ الحدیث مدرسہ امینیہ مفتی ذکاوت حسین قاسمی نے کہا کہ یہ ماہ تقویٰ پر کتنا قائم ہے اس پر غور کرنے کی بات ہے۔ہر آدمی اپنی ذاتی زندگی پر ہی غور کر لیں، ہر آدمی گناہوں میں ڈوبا ہوا ہے اور تقویٰ سے دور ہے۔ انہوں نے کہا کہ روزہ رکھ کر قرآن پڑھ لیا سن لیا اتنا کافی نہیں ہے اگر عمل صالح پر عمل نہ کیا تو۔اگر زندگی میں بدلا¶ نہیں آیا تو تمام عمل بے سود ہے۔آنکھیں بند کرنے سے پہلے دل کی آنکھیں کھول دو۔مسلمان بن کر زندگی گزارو اور تقویٰ اختیار کرو۔ امام و خطیب مدینہ مسجد جعفر آباد و امیر شریعت دہلی کے صدر مولانا شمیم احمد نے کہا کہ اگر آپ لوگوں کو علماءسے محبت ہے تو ان جیسے بنو اور قرآن کریم اسی بات کی تعلیم دے رہا ہے۔انہوں نے چہرے پر داڑھی رکھنے کی بات پر زور دیا اور کہا کہ داڑھی رکھنی چاہئے۔ ان کا کہنا تھا کہ حرمین تک میں ہمیں دو باتوں میں کثرت نظر آئے گی ایک پردہ نہ کرنا اور دوسرا چہرہ پر داڑھی نہیں ملتی جبکہ وہ رو رو کر قرآن پڑھتے دکھائی دیں گے۔ آپ کے چہرہ پر داڑھی تھی اور صحابہ سے لے کر ائمہ،صوفیاتک داڑھی رکھتے تھے۔انہوں نے کہا کہ جناب رسول کریم کی سب سے اہم سنت چہرہ ہر داڑھی رکھنا ہے۔دس روزہ نماز تراویح میں مسجد عبد النبی کے امام و خطیب و استاد تجویدوقرا¿ت قاری محمد فاروق نے قرآن سنایا اور سامع کے طور پر حافظ شرف الدین نے شرکت کی۔
نظامت کے فرائض مفتی محمد طالب ندوی امام و خطیب مسجد کنویں والی جعفر آباد نے بحسن و خوبی انجام دئیے۔اس موقع پر صدام پردھان جی نے کہا کہ پہلے میرے دادا پھر میرے والد ہر سال افطار پارٹی کا اہتمام کرتے آرہے ہیں اور اب میں اپنے بڑوں کی رہنمائی میں یہ سلسلہ آگے بڑھانے کی کوشش کر رہا ہوں۔جلسہ میں موجود تمام علمائے کرام، آئمہ کرام، حفاظ و قرا کو نوجوان لیڈر صدام پردھان کی طرف سے تحائف پیش کیے گئے۔ آخر میں ڈاکٹر ذاکر حسین فاونڈیشن کے چیرمین ذاکر حسین پپو و نصیر احمد گڈو نے تمام مہمان و حاضرین کا شکریہ ادا کیا اور تبرک تقسیم کیا۔ اس موقع پر مفتی بشیر الدین،مفتی محمد فیضان، مفتی محمد بن عیسی، مفتی محمد مہتاب،مفتی طارق،مولانا وسیم اکرم ندوی،مولانا سہیل قاسمی،مولانا ندیم قاسمی،مولانا مسیح اللہ،مولانا نظیر حسن،قاری آس محمد،مقامی ممبر اسمبلی عبد الرحمن،ایم سی ڈی میں ڈپٹی مئیر آل محمد اقبال،چیئر مین آزاد پور منڈی اور کو انچارج عام آدمی پارٹی دہلی عادل احمد،کونسلر عامل ملک،کونسلر حجن شکیلہ کے شوہر حاجی افضال،عبر الرحیم،اختر صدیقی،حاجی نصیر احمد، معراج ملک، آصف علی، حاجی قاسم، حاجی بابو،حاجی ریاض،گلاب ملک،حاجی یامین، شرافت انجینئر، ڈاکٹر فہیم بیگ، ڈاکٹر ابرار،ڈاکٹر اصدق خان،ڈاکٹر فیروز ملک،ڈاکٹر خان، امیرالدین، فیضان ملک، عدنان بشیر، فھد نصیر، شاہ فیصل، احمد بشیر، شان زیدی، محمد عثمان اور علاقہ کے دیگر علمائے کرام، سیاسی و سماجی، دانشور، علمی و ادبی، بزرگوں و نوجوانوں کی بہت بڑی تعداد موجود تھی۔