برطانوی وزیر اعظم نے دہلی میں خود کو "قابل فخر” ہندو بتایا

نئی دہلی: برطانیہ کے وزیر اعظم رشی سنک جی ٢٠ ممالک کے سربراہی اجلاس میں شرکت کے لیے جمعہ کو دہلی آئے ہیں اور ہندو ہونے سے لے کر خالصتان اور تجارت سمیت تمام اہم مسائل پر بات چیت کی ہے۔ خبر رساں ایجنسی اے این آئی سے بات کرتے ہوئے انہوں نے کہا، "میں ایک قابل فخر ہندو ہوں اور میری پرورش اسی طرح ہوئی ہے، میں اسی طرح ہوں۔ "
اپنے ہندو ہونے کے احساس کو مزید اجاگرکرتے ہوئے انہوں نے کہا کہ "ابھی یہ رکشا بندھن تھا جس میں میری بہنوں نے مجھے راکھی باندھی تھی، میرے پاس دوسرے دن جنم اشٹمی کو صحیح طریقے سے منانے کا وقت نہیں تھا لیکن امید ہے کہ جیسا کہ میں نے کہا تھا کہ اگر کسی مندر میں جاوںگا تو میں اس کی تلافی کر سکوں گا۔ میرا ماننا ہے کہ "آستھا” ایک ایسی چیز ہے جو ہر اس شخص کی مدد کرتی ہے جو اپنی زندگی میں آستھا رکھتا ہے۔”
اس کے بعد ان سے خالصتان کے معاملے پر سوال پوچھا گیا جس کے جواب میں انہوں نے کہا کہ ان کی حکومت اس سے نمٹنے کے لیے بھارت کے ساتھ مل کر کام کر رہی ہے۔ انہوں نے کہا، "یہ واقعی ایک اہم سوال ہے اور میں واضح طور پر کہنا چاہتا ہوں کہ برطانیہ میں کسی بھی قسم کی انتہا پسندی یا تشدد قابل قبول نہیں ہے۔ اسی لیے ہم حکومت ہند سے خالصتان کی حامی انتہا پسندی سے نمٹنے کے لیے حکومت ہند کے ساتھ مل کر کام کررہے ہیں۔
انہوں نے کہا "مجھے نہیں لگتا کہ یہ ٹھیک ہے۔ ہمارے وزیردفاع حال ہی میں ہندوستان میں اپنے ہم منصب سے بات کر رہے تھے۔ ہمارے پاس انٹیلی جنس اور معلومات کا تبادلہ کرنے کے لیے گروپس ہیں اورہم مل کر کام کر رہے ہیں تاکہ ہم اس قسم کی پرتشدد انتہا پسندی کو روک سکیں۔ اسے جڑ سے اکھاڑ پھینکیں۔ یہ ٹھیک نہیں ہے اور میں اسے برطانیہ میں برداشت نہیں کروں گا۔”
اس کے ساتھ انہوں نے کہا کہ وہ بھارتی وزیر اعظم نریندر مودی کا بہت احترام کرتے ہیں۔انہوں نے کہا کہ میں مسٹر مودی کا بہت احترام کرتا ہوں ۔ ہم ہندوستان اور برطانیہ کے درمیان ایک مہتواکانکشی اور جامع تجارتی معاہدے کو انجام دینے کے لئے اپنے مشترکہ عزائم پر بہت محنت کریں گے کیونکہ ہم دونوں سوچتے ہیں کہ یہ ایک اچھی چیز ہوگی اور ہم دونوں کو اس بات کو یقینی بنانے کی ضرورت ہے۔ اس طرح کے فورمز پر، میں اس بات کو یقینی بنانے میں وزیر اعظم مودی کی حمایت کرنے کا منتظر ہوں کہ یہ جی -20 ہندوستان کے لیے ایک بڑی کامیابی ہے۔