ابھیشیک بنرجی کے ہیلی کاپٹر کی تلاشی ہرالیکشن کمیشن نے رپورٹ طلب کی

کلکتہ 15اپریل (یواین آئی) الیکشن کمیشن نے ابھیشیک بنرجی کے ہیلی کاپٹر کی انکم ٹیکس کے افسران کے ذریعہ تلاشی کی رپورٹ طلب کی ہے۔ کمیشن نے ڈسٹرکٹ الیکشن آفیسر سے رپورٹ طلب کر لی ہے۔ ایڈیشنل چیف الیکٹورل آفیسر (سی ای او) ارندم نییوگی نے پیر کو ایک پریس کانفرنس میں یہ بات کہی۔ کمیشن نے کہا کہ ضلع الیکشن افسر سے پورے واقعہ کی تفصیلات طلب کی گئی تہے۔
الیکشن کمیشن کے فلائنگ اسکواڈ کے تین ارکان نے پیر کو پولنگ کے لیے ہلدیہ روانہ ہونے سے قبل ابھیشیک بنرجی کے ہیلی کاپٹر کی جانچ کی۔ اس سے پہلے اتوار کو بھی انکم ٹیکس کے لیے ابھیشیک کے ہیلی کاپٹر کی تلاشی لی جا رہی تھی۔ ہیلی کاپٹر پیر کو دوپہر 12 بجے کے قریب بہالہ فلائنگ کلب میں کھڑی تھی۔ اس وقت کمیشن کے تین نمائندے ایک گاڑی میں وہاں گئے۔ گاڑی پر الیکشن آن ڈیوٹی لکھا ہوا تھا۔ تین نمائندوں میں سے ایک نے کہا کہ انہیں وہاں جا کر دیکھنے کو کہا گیا ہے۔ تاہم ان تینوں نے مزید کچھ نہیں بتایا۔ تاہم کمیشن ذرائع کے مطابق یہ معمول کی نگرانی ہے۔ تمام لیڈروں کے ہوائی پولنگ کے لیے جانے کی صورت میں اس اصول پر عمل کیا جاتا ہے۔
اتوار کو انکم ٹیکس افسران نے ابھیشیک کے ہیلی کاپٹر کی تلاشی لی تھی۔ انکم ٹیکس کے افسران بہالہ فلائنگ کلب آئے۔ انہوں نے ابھیشیک کے سیکورٹی گارڈز کو حراست میں لے لیا اور ان کے ہیلی کاپٹر کی توڑ پھوڑ کی۔ حالانکہ ابھیشیک نے بتاکہ انہیں تلاشی کے دوران کچھ نہیں ملا۔ ابھیشیک نے ایکس ہینڈل پر مرکز پر حملہ کرتے ہوئے لکھا کہ این آئی اے کے ڈی جی اور ایس پی کو ہٹانے کے بجائے، آج (اتوار) الیکشن کمیشن اور بی جے پی نے اپنے خفیہ انکم ٹیکس افسران کو میرے ہیلی کاپٹر کی تلاش کے لیے بھیجا۔ تاہم اس کا کوئی فائدہ نہیں ہوا۔ کیونکہ کچھ نہیں ملا۔
پیر کو کانگریس کے رکن پارلیمنٹ راہول گاندھی کے ہیلی کاپٹر کی بھی تلاشی لی گئی تھی۔ اطلاعات کے مطابق انتخابی افسران نے پیر کو راہل گاندھی کے ہیلی کاپٹر کیرالا کے وایناڈ میں ان کی نشست پر جاتے ہوئے تلاشی لی۔