آیوشمان کھرانہ کی فلم ڈریم گرل 2 کا گانا جمناپار ریلیز

ممبئی (یو این آئی) بالی ووڈ اداکار آیوشمان کھرانہ کی آنے والی فلم ڈریم گرل 2 کا گانا جمناپار جاری کر دیا گیا ہے۔آیوشمان کھرانہ ان دنوں اپنی سپرہٹ فلم ڈریم گرل کے سیکوئل ڈریم گرل 2 کو لے کر چرچا میں ہیں۔ ڈریم گرل 2 میں اننیا پانڈے بھی اہم کردار میں ہیں۔ ڈریم گرل 2 کا نیا گانا جمناپار ریلیز ہو گیا ہے، آیوشمان اپنے پوجا اوتار میں نظر آ رہے ہیں۔ وہ لہنگا پہنے اپنی ادائیں دکھاتے نظر آرہے ہیں۔ اس گانے میں وجے راج اور منجوت سنگھ بھی نظر آ رہے ہیں۔
جمناپار گانے کی موسیقی میت برادرز نے ترتیب دی ہے، جسے میت برادرز کے ساتھ نیہا ککڑ اور منونی دیسائی، سمائرا چنڈوکے نے اپنی آواز دی ہے۔ گانے کے بول کمار نے لکھے ہیں اور انگریزی حصہ جونیتا گاندھی کا ہے۔ڈریم گرل 2 کو ایکتا آر کپور اور شوبھا کپور نے پروڈیوس کیا ہے اور اس کی ہدایت کاری راج شاندلیا نے کی ہے۔ یہ فلم 25 اگست 2023 کو ریلیز ہو رہی ہے۔