دہلی اسٹیٹ حج کمیٹی میں جشن آزادی تقریب کا انعقاد

نئی دہلی(پریس ریلیز): ہندوستان کی 77ویں جشن آزادی کے موقع پردہلی اسٹیٹ حج کمیٹی کی جانب سے ایک عظیم الشان تقریب جشن آزادی کا انعقاد کیا گیا۔حج کمیٹی کی چیئر پرسن محترمہ کوثر جہاں نے پرچم کشائی کی رسم ادا کی۔اس موقع پر حج کمیٹی کے ممبران محترمہ نازیہ دانش، جناب محمد سعد، ایگزیکٹو آفیسر جناب اشفاق احمد عارفی، ڈپٹی ایگزیکٹو آفیسر جنا ب محسن علی کے علاوہ دیگر تمام اسٹاف ممبران موجود تھے۔پرچم کشائی کے بعد حکومت دہلی کے سول ڈیفینس کی ٹیم نے جھنڈا سلامی اور قومی ترانہ پیش کی۔ چیئر پرسن کوثر جہاں نے اس موقع پر اظہار خیال کرتے ہوئے تقریب میں موجودلوگوںاور اہل وطن کو جشن آزادی کی مبارکباد دی اور اس بات کی طرف توجہ دلائی کہ آزادی وطن کا جذبہ ہر ہندوستانی کے دل میںہر وقت موجود ہونا چاہیے اور ہمیں ہر قسم کے مذہبی اور گروہی اختلافات سے اوپر اٹھ کر آزادی وطن کاجشن منانا چاہیے۔