کانگریس پارٹی سب کو ساتھ لے کر چلی ہے اور چلتی رہے گی: غلام احمد میر

رانچی، 02 جنوری (یو این آئی)آل انڈیا کانگریس کمیٹی کے جنرل سکریٹری اور جھارکھنڈ کانگریس کے انچارج غلام احمد میر صاحب اپنے دو روزہ قیام کے دوران آج رانچی پہنچے، جہاں انہوں نے ریاستی کانگریس کی طرف سے مورہ آبادی کے سنگم گارڈن میں منعقدہ پروقار تقریب میں شرکت کی۔سب سے پہلے ریاستی کانگریس کے صدر راجیش ٹھاکر نے نئے مقرر کردہ انچارج کو برسا منڈا کو شال اور یادگاری تحفہ دے کر اعزاز دیا۔ اس پروقار تقریب میں ضلع کے کانگریس کارکنوں کی بڑی تعداد بشمول وزراء، ایم ایل اے، ریاستی عہدیداروں، ضلعی صدور نے شرکت کی۔
قبل ازیں جھارکھنڈ کے انچارج غلام احمد میر کا برسا منڈا ہوائی اڈے پر ہزاروں کارکنوں کے ساتھ ریاستی صدر نے پرتپاک استقبال کیا۔ پروقار تقریب کے مقام پر پہنچتے ہوئے جھارکھنڈ کے انچارج نے برسا چوک پر واقع برسا منڈا کے مجسمے پر پھول چڑھائے۔ اسٹیٹ گیسٹ ہاؤس آتے ہوئے کارکنوں نے برسا چوک، ارگوڑہ چوک، ہرمو چوک پر جھارکھنڈ انچارج کا استقبال کیا۔استقبالیہ تقریب سے خطاب کرتے ہوئے نومنتخب انچارج غلام احمد میر نے کہا کہ ہم جھارکھنڈ کے طرف سے کئے گئے استقبال کے لئے شکریہ ادا کرتے ہیں۔ جھارکھنڈ کانگریس میں توانائی کی کمی نہیں ہے، یہ ابھی نظر آرہا ہے۔ انہوں نے جھارکھنڈ جیسی شاندار ریاست کی ذمہ داری سونپنے پر کانگریس صدر ملک ارجن کھڑگے اور راہل گاندھی کا شکریہ ادا کیا۔ انہوں نے کہا کہ آپ سب کے تعاون سے ہم آپ کی امیدوں پر مکمل طورپر پورا اتریں گے۔ خطاب کرتے ہوئے انہوں نے کہا کہ بوتھ سطح پر کام کرنے والے کارکنوں کو ترجیح دی جائے گی۔ کانگریس پارٹی سب کو ساتھ لے کر چلی ہے اور آئندہ بھی چلتی رہے گی۔