انفورسمنٹ ڈائریکٹوریٹ کو خط لکھ کر دہلی کے وزیر اعلی نے پوچھاکہ انہیں کس حیثیت میں طلب کیا گیا ہے
نئی دہلی (یواین آئی) دہلی کے وزیر اعلی اروند کیجریوال نے الزام لگایا کہ انفورسمنٹ ڈائریکٹوریٹ (ای ڈی) نے انہیں بھارتیہ جنتا پارٹی (بی جے پی) کے کہنے پر سمن جاری کیا ہے۔ مسٹر کیجریوال نے جمعرات کو ای ڈی کو خط لکھ کر کہا کہ یہ نوٹس بی جے پی کے کہنے پر بھیجا گیا ہے تاکہ وہ چار ریاستوں میں ہونے والے انتخابات میں مہم نہ چلا سکیں۔ انہوں نے سمن واپس لینے کا مطالبہ کیا۔انہوں نے کہا کہ یہ واضح نہیں ہے کہ آپ نے مجھے کس حیثیت میں طلب کیا، بطور گواہ یا بطور ملزم۔ سمن کی تفصیل نہیں بتائی گئی۔ انہوں نے کہا کہ یہ بھی نہیں بتایا گیا کہ انہیں ذاتی طور پر بلایا گیا ہے یا بطور وزیر اعلیٰ یا عام آدمی پارٹی کے سربراہ کے طور پر۔
.@ArvindKejriwal, दिल्ली के मुख्यमंत्री ने आज ED के Summon पर ED को पत्र लिखकर बताया – कि Summon में कहीं साफ़ नहीं हो रहा कि Arvind Kejriwal को किस हैसियत से बुला रहे हैं, संदिग्ध? गवाह? मुख्यमंत्री या AAP संयोजक?
— AAP (@AamAadmiParty) November 2, 2023
– @Saurabh_MLAgk pic.twitter.com/P0AZ4Dutlg
وزیر اعلیٰ نے کہا کہ 30 اکتوبر کی دوپہر کو بی جے پی لیڈروں نے کہنا شروع کر دیا تھا کہ جلد ہی مجھے طلب کر کے گرفتار کر لیا جائے گا۔ مجھے اسی دن شام کو سمن موصول ہوا۔ اس سے صاف ظاہر ہوتا ہے کہ سمن سب سے پہلے میری شبیہ کو خراب کرنے کے لیے بی جے پی لیڈروں کو لیک کیا گیا تھا۔
انہوں نے کہاکہ ‘ملک کی پانچ ریاستوں یعنی میزورم، مدھیہ پردیش، چھتیس گڑھ، راجستھان اور تلنگانہ میں جلد ہی انتخابات ہونے والے ہیں۔ عام آدمی پارٹی ہر جگہ الیکشن لڑ رہی ہے۔ پارٹی کے قومی کنوینر اور اسٹار کمپینر ہونے کی وجہ سے انہیں انتخابی مہم کے لیے سفر کرنا پڑتا ہے۔ دوسری طرف میں دہلی کا موجودہ وزیر اعلیٰ ہوں۔ دیوالی کے تہوار کی وجہ سے میرے پاس سرکاری طور پر بہت سارے کام ہیں۔ جہاں مجھے ہونا ضروری ہے۔واضح رہے کہ اے اے پی لیڈر اور سابق نائب وزیر اعلی منیش سسودیا دہلی شراب پالیسی گھپلہ میں فروری سے جیل میں ہیں۔ عام آدمی پارٹی کے راجیہ سبھا ممبر پارلیمنٹ سنجے سنگھ کو بھی حال ہی میں ای ڈی نے گرفتار کیا تھا۔ اس کے علاوہ اس معاملے میں ای ڈی نے آج دہلی کے کابینہ وزیر راج کمار آنند کے گھر پر چھاپہ مارا ہے۔
