غازی پور:یکم جولائی(یواین آئی) راشٹریہ سوئم سیوک سنگھ(آر ایس ایس)سربراہ موہن بھاگوت نے کہا کہ تنوع سے بھر پور ہندوستان کی نئی نسل کو ملک کی مستحکم ثقافتی ورثے کو جاننا اور یہاں کی مٹی سے جڑنا ناگزیر ہے۔سدھ پیٹھ ہتھیا رام مٹھ میں درشن پوجن کے بعد کیلاش بھون میں معزز شخصیات سے بات چیت میں ڈاکٹر بھاگوت نے کہا کہ ہندوستان ہمیشہ سے تنوع سے بھرا ہوا ملک رہا ہے۔قدرتی وسائل سے لے کر لوک رسم و رواج تک، یہاں کی روایات ہمیشہ لوگوں کی فلاح و بہبود کے لیے رہی ہیں۔انہوں نے کہا کہ آج بھی جنگلاتی علاقے میں قبائلی معاشرہ جنگل کی پیداوار سے اپنا پیٹ بھرتا ہے۔ ان میں کون سی طاقتیں پائی جاتی ہیں اس پر بھی تحقیق ہونی چاہیے۔ قدرت ہمیں ایسی تمام ادویات اور غذائی اجناس دیتی ہے جو بہت فائدہ مند ہیں۔
ہمیں اپنی روایت، قدرتی ذرائع، وسائل، ثقافت، لوک رسم و رواج پر نہ صرف تحقیق کرنی ہے بلکہ آنے والی نسلوں کو اس سے اچھی طرح آگاہ بھی کرنا ہے۔تک اس کی تکمیل بھی پہنچانی ہے۔ نئی نسل کا مٹی سے جڑنا کافی ضروری ہے تاکہ معاشرے اور قوم کی فلاح ممکن ہو سکے۔اس دوران کابینی وزیر دیاشنکر سنگھ، الہ آباد ہائی کورٹ کے جسٹس شمیم احمد، ودیا پیٹھ کے وائس چانسلر، گجرات یونیورسٹی کے وائس چانسلر، نیشنل ریسلنگ فیڈریشن کے صدر سنجے سنگھ اور دیگر لوگ موجود رہے۔
