اوڑی میں انکائونٹر،دو دہشت گردوں کی موت

سری نگر (ایجنسیاں) شمالی کشمیر کے ضلع بارہمولہ کے قصبہ اوڑی کے ہتھلنگہ علاقے میں سیکورٹی فورسز اور جنگجوئوں کے درمیان جاری تصادم آرائی میں دو عدم شناخت جنگجو مارا گیا۔حالانکہ حکام کی جانب سے ابھی تک ایک دہشت گرد کے مارے جانے کی تصدیق کی گئی ہے۔کشمیر زون پولیس نے ٹویٹ کرکے کہا: ‘بارہمولہ انکائونٹر اپ ڈیٹ: ایک دہشت گرد مارا گیا، تلاشی آپریشن ہنوز جاری’۔
قبل ازیں پولیس ذرائع نے بتایا کہ سیکورٹی فورسز نے مذکورہ علاقے کو محاصرے میں لے کر تلاشی آپریشن شروع کر دیا۔انہوں نے بتایا کہ اس دوران جوں ہی ایک تلاشی پارٹی مشتبہ مقام کے نزدیک پہنچی تو وہاں چھپے جنگجوئوں نے اس پر اندھا دھند فائرنگ کی جس کے نتیجے میں طرفین کے درمیان تصادم چھڑ گیا۔اس درمیان ایک مقامی ویب سائٹ نے لکھا ہے کہ پولیس نے ہفتہ کو بتایا کہ شمالی کشمیر کے بارہمولہ ضلع میں اڑی کے ہتھلنگا علاقے میں جاری تصادم میں دو دہشت گرد مارے گئے۔