پٹنہ (یواین آئی ) وزیراعلیٰ نتیش کمار نے 2742.04 کروڑ روپے کی لاگت سے دربھنگہ میڈیکل کالج و اسپتال ، دربھنگہ کو دوبارہ تیار کرنے کے منصوبے کے تحت، ہر سال 250 طلباءکے داخلہ کے لئے تعلیمی عمارت اور 2100 بستروں والااسپتال اور گورنمنٹ مہارانی رامیشوری انڈین انسٹی ٹیوٹ آف میڈیکل سائنسز، موہن پور، دربھنگہ کا سنگ بنیاد اور 194.08 کروڑ روپے کی لاگت سے 400 بستروں والے سرجیکل بلاک سمیت مختلف منصوبوں کا سنگ بنیاد رکھا اور افتتاح کیا ۔وزیر اعلیٰ نے سرجری بلاک میں ‘دیدی کی رسوئی’ کا بھی ربن کاٹ کر افتتاح کیا۔ اس کے بعد وزیر اعلیٰ نے سرجری بلاک اور ڈلیوری روم کا معائنہ کیا۔
2742.04 करोड़ रू० की लागत से दरभंगा चिकित्सा महाविद्यालय एवं अस्पताल, दरभंगा को पुनर्विकसित करने की योजना का शिलान्यास किया। हमलोगों ने कहा था कि डी०एम०सी०एच० को 2500 शैय्या का अस्पताल बनाएंगे। आज 194.08 करोड़ रू० की लागत से 400 शैय्या के सर्जिकल ब्लॉक का उद्घाटन किया। शेष 2100… pic.twitter.com/JsrsSYcRyo
— Nitish Kumar (@NitishKumar) November 27, 2023
اسپتال کے احاطے کے معائنہ کے دوران وزیراعلی نے افسران کو ہدایت دیتے ہوئے کہا کہ وہ اس بات کو یقینی بنائیں کہ تعمیراتی کام اس بات کو ذہن میں رکھتے ہوئے کیا جائے کہ بارش کے موسم میں بھی یہاں پانی جمع نہ ہو۔ ڈرنیج سسٹم کو بہتر کریں تاکہ پانی کی نکاسی میں کوئی پریشانی نہ ہو۔ آج 2100 بستروں والے اسپتال اور گورنمنٹ مہارانی رامیشوری انڈین انسٹی ٹیوٹ آف میڈیکل سائنسز کا سنگ بنیاد رکھا گیا ہے، اس کی تعمیر کا کام جلد از جلد شروع کریں۔ جب اس کا تعمیراتی کام شروع ہو جائے گا تو ہم اسے دیکھنے کے لیے دوبارہ یہاں آئیں گے۔ تعمیراتی کام مکمل ہونے کے بعد لوگوں کو علاج ومعالجے میں کافی سہولت ملے گی۔ جب ہم رکن پارلیمنٹ تھے اور جب بھی باہر جاتے تھے تو ہمیں ہر جگہ پی ایم سی ایچ اور ڈی ایم سی ایچ کے ڈاکٹر ملتے تھے۔ انہوں نے کہا کہ دربھنگہ میں ایمس قائم کرنے کے لیے شوبھن بہت اچھی جگہ ہے جس کی ہم نے نشاندہی کی ہے۔ آمدورفت کےلیے بہتر رابطہ ہے، جہاں لوگ آسانی سے پہنچ سکتے ہیں۔ شوبھن میں ایمس کی تعمیر سے دربھنگہ شہرکی بھی توسیع ہوگی۔
اس موقع پر نائب وزیر اعلیٰ اور وزیر صحت تیجسوی پرساد یادو، خزانہ، کمرشیل ٹیکس اور پارلیمانی امور کے وزیر وجے کمار چودھری، آبی وسائل و اطلاعات اور رابطہ عامہ کے وزیر سنجے کمار جھا، عمارت تعمیرات کے وزیر اشوک چودھری، پبلک ہیلتھ انجینئرنگ کے وزیر للت کمار یادو، رکن اسمبلی سنجے سراوگی،رکن اسمبلی ششی بھوشن ہزاری، رکن اسمبلی ونے کمار چودھری، سابق مرکزی وزیر علی اشرف فاطمی، سابق رکن قانون ساز کونسل دلیپ چودھری، محکمہ صحت کے ایڈیشنل چیف سکریٹری۔ مسٹر پرتیے امرت، وزیر اعلی کے سکریٹری مسٹر انوپم کمار، دربھنگہ ڈویژن کے کمشنر ڈاکٹر منیش کمار، دربھنگہ زون کے انسپکٹر جنرل آف پولیس مسٹر ونے کمار، دربھنگہ کے ڈی ایم مسٹر راجیو روشن سمیت دیگر سینئر افسران اور دربھنگہ میڈیکل کالج اور ہسپتال کے ڈاکٹر، عملہ اور دیگر معززین موجود تھے۔
