میں اپنی عمر کے مقابلے میں بہت جوان نظر آتا ہوں: امریکی صدر

واشنگٹن ، 29 فروری (یواین آئی) امریکی صدر جوبائیڈن نے کہا ہے کہ میں اپنی عمر کے مقابلے میں بہت جوان نظر آتا ہوں۔غیرملکی میڈیا کے مطابق کئی امریکیوں کو جوبائیڈن کی عمر کو لے کر تشویش ہے کیونکہ انہوں نے دوبارہ انتخاب میں حصیہ لینے کا اعلان کیا ہے اگر وہ دوسری مرتبہ بھی صدر منتخب ہوتے ہیں تو امریکی تاریخ کے معمر ترین صدر ہوں گے۔صحافیوں سے گفتگو کے دوران اپنے سالانہ میڈیکل ٹیسٹ کے حوالے سے 81 سالہ جوبائیڈن بولے کہ میرا سالانہ طبی معائنہ اچھا رہا، انہوں نے مزید مذاق کرتے ہوئے کہا کہ ڈاکٹرز کا خیال ہے کہ میں اپنی عمر کے مقابلے میں بہت جوان نظر آتا ہوں۔81 سالہ امریکی صدر جو بائیڈن نے بدھ کے روز میری لینڈ ملیٹری میڈیکل سینٹر میں طبی معائنہ کروایا جہاں انہیں ڈاکٹر نے کہا کہ جو بائیڈن ہفتے میں کم از کم پانچ دن ورزش کرتے ہیں اور وہ ’ڈیوٹی کے لیے فٹ‘ ہیں۔ڈاکٹر کیون او کونر نے لکھا ہے کہ 81 سالہ بائیڈن کی طبعیت بگڑتی رہی، لیکن پچھلے سال سے ان کی طبعیت بہتر ہے، ان کے معمعلی بیماری کا علاج ادویات سے کیا جاتا ہے۔
ڈاکٹر نے کہا کہ ’ صدر ٹھیک محسوس کر رہے ہیں اور اس سال جسمانی طور پر کسی نئے خدشات کی نشاندہی نہیں ہوئی، وہ ڈیوٹی کے لیے موزوں ہے اور بغیر کسی روکاوٹ کے اپنی تمام ذمہ داریوں کو پوری طرح سے انجام دے سکتے ہیں۔واضح رہے کہ امریکی صدر جو بائیڈن اور سابق امریکی صدر ڈونلڈ ٹرمپ نے ایک دوسرے کی ذہنی صحت پر سوال اٹھائے ہیں، جبکہ صدارتی امیدوار نیکی ہیلی نے دونوں کو صدارتی عہدے کے لیے ضعیف قرار دیا ہے۔