دبئی میں واقع ہندوستانی قونصلیٹ جنرل نے افطار کا اہتمام کیا

دبئی، 2 اپریل (یو این آئی) متحدہ عرب امارات (یو اے ای) کے دبئی واقع قونصلیٹ جنرل آف انڈیا نے آج افطار کا اہتمام کرنے کے ساتھ تارکین وطن کارکنوں کی بیداری کے لیے ایک خصوصی پروگرام کا اہتمام کیا۔ یہ تقریب جبل علی میں واقع ٹرانسورلڈ میں منعقد کی گئی اور تارکین وطن کارکنوں کو صحت اور مالیاتی انتظام کے بارے میں ایک لیبر آگاہی لیکچر کا انعقاد کیا ہے۔ ٹرانس ورلڈ کمپنی مینجمنٹ ٹیم کے ساتھ تقریباً 200 ملازمین نے افطار میں شرکت کی۔
ہندوستانی قونصلیٹ جنرل کے مطابق، پرائم ہیلتھ کیئر کے ڈاکٹروں کی ایک ٹیم نے کیمپ میں تارکین وطن کارکنوں کا طبی معائنہ کیا اور بینک آف بڑودہ کے عہدیداروں نے کارکنوں کو مالی خواندگی اور بینکنگ فراڈ کو روکنے کے اقدامات سے آگاہ کیا۔ اس کے بعد حکومت کے فلاحی اقدامات اور شکایات کے ازالے کے طریقہ کار کے بارے میں قونصلیٹ کے پرواسی بھارتیہ سہایتا کیندر(پی بی ایس کے) کے ذریعہ ایک بیداری سیشن کا انعقاد کیا گیا۔
تقریب میں دبئی میں ہندوستان کے قونصل جنرل ستیش کمار سیون نے کارکنوں کے مسائل کا جائزہ لیا اور ان کے فلاح و بہبود کے لیے قونصلیٹ جنرل کی طرف سے کیے گئے مختلف اقدامات اور التزامات کے بارے میں ان کی رہنمائی کی۔