ریاض: اسرائیلی عہدیدار پہلے اعلانیہ دورہ پرسعودی عرب پہنچ گئے ہیں۔ باخبر ذرائع کا کہنا ہے کہ اسرائیلی وزیر سیاحت ہائیم کاتس اعلیٰ سطحی وفد کے ہمراہ منگل کے روز سعودی دارالحکومت ریاض پہنچے، جہاں وہ اقوام متحدہ کے زیر اہتمام دو روزہ بین الاقوامی سیاحتی کانفرنس میں شرکت کریں گے۔ کسی بھی اسرائیلی سرکاری عہدیدار کا سعودی عرب کا یہ پہلا اعلانیہ دورہ ہے۔
Tourism Minister Haim Katz makes history as the first Israeli government minister to attend a United Nations World Tourism Organization conference in Saudi Arabia.????????
— The Jerusalem Post (@Jerusalem_Post) September 26, 2023
More details: https://t.co/tEvVVQatmC
????: Abbie Sophia pic.twitter.com/wvWedhYtG9
اسرائیل سے روانگی سے قبل وزیر سیاحت نے کہا سیاحت تمام اقوام کے درمیان اہم پل کا کردار ادا کرتا ہے۔ انکا کہنا تھا کہ مختلف ممالک کے درمیان سیاحت کے فروغ سے نہ صرف قومیں ایک دوسرے کے قریب آتی ہیں بلکہ اس سے معاشی فائدے بھی حاصل کئے جاتے ہیں۔ اسرائیلی وزیر سیاحت نے مزید کہا کہ وہ ریاض میں موجودگی کے دوران کانفرنس میں شریک ممالک کے ہم منصبوں سے بھی ملاقاتیں کریں گے، جن میں عرب اور مشرق وسطیٰ کے وزراء اور عہدیداران بھی شامل ہیں۔اسرائیلی وزیر کا دورہ ریاض ایسے وقت میں کیا جا رہا ہے جبکہ سعودی عرب کا اعلیٰ سطح کا وفد فلسطینی ریاست کے دورے پر رام اللّٰہ پہنچا ہے۔
اسرائیلی وزیر سیاحت حایم کاٹزکی سعودی عرب کے پہلے اعلیٰ سطح کے سرکاری دورے پرالریاض آمد کے درمیان ان کی وزارت نے ایک بیان میں کہا ہے کہ کاٹز سعودی عرب میں اسرائیل کے کسی سرکاری وفد کی سربراہی کرنے والے پہلے وزیر ہیں۔ وہ الریاض میں اقوام متحدہ کی ورلڈ ٹورازم آرگنائزیشن کی تقریب میں شرکت کریں گے۔کاٹز کے دفتر نے کہا کہ دو روزہ دورے میں وہ اپنے ہم منصبوں کے ساتھ ملاقاتیں کریں گے، اس بات کی وضاحت کیے بغیر کہ اس طرح کے مذاکرات میں کون کون سے ممالک شریک ہورہے ہیں۔العربیہ ڈاٹ نیٹ کی خبر کے مطابق اسرائیلی وزیر کا یہ تاریخی دورہ ایک ایسے وقت میں ہو رہا ہے جب الریاض نے گذشتہ تین دہائیوں میں پہلی مرتبہ اپنا ایک وفد مقبوضہ مغربی کنارے میں بھیجا ہے جبکہ امریکا اپنے دونوں دیرینہ اتحادیوں اسرائیل اور سعودی عرب پر تعلقات معمول پر لانے کے لیے دباؤ ڈال رہا ہے۔سعودی سفیر نایف السدیری نے آج رام اللہ میں صدر محمود عباس سمیت سینیر فلسطینی حکام کے ساتھ بات چیت کی ہے۔انھیں گذشتہ ماہ فلسطینی علاقوں میں سعودی عرب کا غیرمقیم سفیر مقرر کیا گیا تھا۔
