پٹنہ/دربھنگہ، 11 جنوری (یو این آئی) بہار کے وزیر اعلی نتیش کمار نے دربھنگہ ضلع کے لیے 1500 کروڑ روپے کی ترقیاتی اسکیموں کا تحفہ دیا۔ہفتہ کو پرگتی یاترا کے دوران مسٹر کمار نے دربھنگہ ضلع کو تقریباً 1500 کروڑ روپے کی اسکیمیں پیش کیں۔ انہوں نے 186 اسکیموں کا افتتاح اور سنگ بنیاد رکھا۔ اس کے تحت 935.28 کروڑ روپے کی لاگت سے 89 اسکیموں کا افتتاح اور 561.75 کروڑ روپے کی لاگت سے 97 اسکیموں کا سنگ بنیاد رکھنا شامل ہے۔وزیر اعلی نے بہار اسٹیٹ ایجوکیشنل انفراسٹرکچر ڈیولپمنٹ کارپوریشن لمیٹڈ کے ذریعہ مڈل اسکول سمری کے احاطے میں کستوربا گاندھی گرلز اسکول سنگھواڑا کا افتتاح کیا۔ انہوں نےا سکول کی طالبات کی طرف سے جوڈو کراٹے کی تربیت لی جاتی دیکھی اور حکام سے اس کے بارے میں معلومات لی۔ طالبات سے بات کرتے ہوئے انہوں نے ان کی تعریف کی اور انہیں مبارکباد دی۔پرگتی یاترا کے دوران، مسٹر کمار ہفتہ کو بڑے شیلٹر ہوم، بھراٹی کے احاطے میں پہنچے۔ بڑے شیلٹر ہوم اور کستوربا گاندھی ریزیڈنشیل اسکول کا افتتاح کرنے کے بعد جیویکا دیدیوں اور ٹولہ سیوکوں سے ملاقات کی۔ یاترا کے دوران وزیر اعلیٰ کے ساتھ نائب وزیر اعلیٰ سمرت چودھری، ضلع انچارج وزیر منگل پانڈے، سماجی بہبود کے وزیر مدن ساہنی، وزیر وجے چودھری، جنتا دل یونائیٹڈ کے ایگزیکٹو صدر سنجے جھا اور کئی دیگر وزراء اور لیڈران تھے۔
اس موقع پر نیشنل ڈیموکریٹک الائنس (این ڈی اے) کے کارکنوں کی جانب سے شاندار استقبال کیا گیا۔ اس کے ساتھ ہی وزیر اعلیٰ کے پروگرام کو دیکھنےآئے لوگوں نے خوشی کا اظہار کیا کہ انہیں ضلع کے ترقیاتی کاموں کے لیے 2000 کروڑ روپے سے زیادہ کی رقم ملی ہے اور اس کے لیے وزیر اعلیٰ کا شکریہ ادا کیا۔ وزیر اعلیٰ کا قافلہ شیلٹر ہوم کے بعد سمری کے چندسر تالاب پہنچ کر فش مارکیٹنگ کیٹ اور ماہی گیر کوآپریٹو سوسائٹی کے ممبران سے ملاقات کی اور پنچایت گورنمنٹ بلڈنگ کمپلیکس میں سات نشچے سے متعلق مختلف اسکیموں کا مشاہدہ اورمعائنہ کیا۔انہوں نے مڈل اسکول سمری میں واقع کے جی بی وی عمارت کا افتتاح کیا اور نیوٹریشن گارڈن کا معائنہ کیا۔ جس کے بعد وزیر اعلیٰ نے سمری ہائی اسکول کے احاطے میں محکمہ جاتی اسکیموں کا ریموٹ کے ذریعے سنگ بنیاد رکھنے اور افتتاح کرنے کے بعد محکموں کے اسٹالوں کا معائنہ کیا اور جیویکا دیدی، ٹولہ سیوک، وکاس مترا وغیرہ سے ملاقات کی اور ان کے کام کے بارے میں تبادلہ خیال کیا۔
دربھنگہ کے دہلی موڑ پر واقع بس اسٹینڈ کو بین الاقوامی اور بین ریاستی بس اسٹاپ کے طور پر تیار کرنے کی تجویز کا معائنہ کرنے کے بعد انہوں نے کئی ہدایات دیں۔ اس کے بعد وزیر اعلیٰ کا قافلہ دربھنگہ کے شاہی خاندان کے ذریعہ بنائے گئے ہراہی تالاب کے خوبصورتی کے کام کا معائنہ کیا۔ اس کے ساتھ ساتھ شہر میں ٹریفک جام کے مسئلے سے نجات کے لیے انہوں نے ڈونار چوک پر دو منٹ رک کر علاقے کا مشاہدہ کیا اور کرپوری چوک پر ٹریفک جام کے مسئلے کے لیے ڈیزائن کا بھی مشاہدہ کیا۔ اس کے بعد سینئر سپرنٹنڈنٹ آف پولیس (ایس ایس پی) دفتر کی نئی عمارت کا افتتاح کیا اور ضلع سطح کا جائزہ اجلاس منعقد کیا اور پھر دربھنگہ سے روانہ ہوگئے۔
