نئی دہلی، 23 اگست (یو این آئی) کانگریس نے الزام لگایا ہے کہ کرناٹک کے گورنر تھاور چند گہلوت کٹھ پتلی بن کر وزیر اعلیٰ سدارامیا کی قیادت والی منتخب حکومت کو غیر مستحکم کرنے کا کام کر رہے ہیں اور پارٹی اس کے خلاف متحد ہو کر لڑے گی۔
کرناٹک کے کانگریس جنرل سکریٹری انچارج رندیپ سنگھ سرجے والا، کرناٹک کے وزیر اعلیٰ سدارامیا اور ریاستی کانگریس صدر ڈی کے شیو کمار نے جمعہ کو یہاں پارٹی ہیڈکوارٹر میں ایک مشترکہ پریس کانفرنس میں کہا کہ کانگریس پارٹی وزیر اعلیٰ کے ساتھ متحد ہے اور بی جے پی کی سازش کے خلاف مل کر لڑے گی۔
پارٹی قائدین نے کہا کہ چیف منسٹر اور ریاستی صدر کے خلاف سازش کی جارہی ہے اور کرناٹک کی منتخب حکومت کو غیر مستحکم کرنے کی کوشش کی جارہی ہے۔ کانگریس اس کے خلاف مضبوطی کے ساتھ اور متحد ہو کر لڑے گی اور اس لڑائی کو عوام کی عدالت کے ساتھ ہی قانونی سطح پر بھی لڑے گی۔ انہوں نے اسے کرناٹک کے عوام کے خلاف مرکزی حکومت کا حملہ قرار دیا اور کہا کہ گورنر تھاور چند گہلوت مرکز کی کٹھ پتلی بن کر کام کر رہے ہیں اور منتخب حکومت کے خلاف سازش کی جارہی ہے۔ اس میں مرکزی حکومت کے ساتھ ہی جنتا دل ایس بھی اس میں شامل ہے اور کانگریس اس کا سخت جواب دے گی۔
