چندرابابو کی گرفتاری کیخلاف احتجاج

نئی دہلی(یواین آئی)اسکل ڈیولپمنٹ اسکام میں آندھراپردیش کے سابق وزیراعلی و تلگودیشم پارٹی کے قومی صدراین چندرابابونائیڈو کی گرفتاری کے خلاف ریاست کی اہم اپوزیشن کے لیڈروں نے قومی دارالحکومت نئی دہلی کے راج گھاٹ پر خراج عقیدت پیش کیا۔ پارٹی کے قومی سکریٹری نارا لوکیش، تلگودیشم پرٹی کے ارکان پارلیمنٹ اور سابق ارکان پارلیمنٹ نے مہاتما گاندھی کو خراج عقیدت پیش کیا۔انہوں نے چندرابابو کی گرفتاری کو غیرقانونی قراردیتے ہوئے اس گرفتاری کے خلاف احتجاجا سیاہ بیج لگائے اور خاموشی اختیار کی۔ انہوں نے لزام لگایا کہ اپوزیشن جماعتوں کو غیر قانونی مقدمات کے ذریعہ ہراساں کیا جا رہا ہے۔ اس موقع پر لوکیش جو چندرابابو کے فرزند بھی ہیں نے مرکز سے مطالبہ کیا کہ وہ بدعنوانی اور آمرانہ حکمرانی کے خلاف مداخلت کرے۔ انہوں نے مرکز پر زوردیا کہ اے پی میں صدر راج نافذکیاجائے۔