ڈمراؤں میں جاری ہے جشنِ ٹیگور

ڈمراؤں – جشنِ ٹیگور کے دوسرے دن یوتھ سحر ویلفیئر فاؤنڈیشن نئی دہلی کی جانب سے رابندر ناتھ ٹیگور کے 162ویں یوم پیدائش کے موقع پر ایک ثقافتی پروگرام کا انعقاد کیا گیا۔ سہ روزہ اس ثقافتی پروگرام میں دوسرے روز بھی طلباء نے اپنی صلاحیتوں کے جوہر دکھائے۔ طلباء و طالبات نے پینٹنگ اور رنگولی کے ذریعے بیٹی بچاؤ کا پیغام دیا۔ مہاراجہ ڈمراؤں شیوانگ وجے سنگھ نے جشنِ ٹیگور کے دوسرے دن مہمانِ خصوصی کے طور پر شرکت کی۔اس پروگرام میں سماجی کارکن راجو کشواہا بطور مہمان اعزازی شامل ہوئے۔
پروگرام کے مہمان خصوصی مہاراجہ ڈمراؤں شیوانگ وجے سنگھ نے طلباء سے خطاب کرتے ہوئے کہا کہ آج ہم گرودیو رابندر ناتھ ٹیگور کا 162 واں یوم پیدائش منا رہے ہیں۔ یہ دیکھ کر خوشی ہوئی کہ گرودیو کی لکھی ہوئی نظمیں آج بھی اتنی ہی متعلقہ ہیں جتنی کہ سو سال پہلے تھیں۔ ٹیگور کی ایکلا چلو رے نظم آج بھی اپنے قارئین کو متاثر کرتی ہے۔ٹیگور کی شخصیت کا اندازہ اس بات سے لگایا جا سکتا ہے کہ ان کے پاس دو ملکوں کے قومی ترانے لکھنے کا ریکارڈ ہے۔
شیوانگ وجے سنگھ نے یہ بھی کہا کہ بہار میں صلاحیت کی کوئی کمی نہیں ہے، آج بھی کمی ہے، صرف ٹیلنٹ کو پہچاننے کی۔ آج کی نوجوان نسل کو ٹیگور کو پڑھنے کی ضرورت ہے۔ جتنا آپ ٹیگور کو پڑھیں گے، اتنا ہی آپ سمجھیں گے۔ کیونکہ یہ بھی حقیقت ہے کہ آج ہماری نوجوان نسل کتابوں سے دور ہوتی جا رہی ہے۔ ایسے پروگرام نوجوانوں کو اپنے فن اور ثقافت کو پہچاننے میں مدد دیتے ہیں۔
پروگرام کے مہمان اعزازی سماجی کارکن راجو کشواہا نے شرکاء کو ٹیگور کا وہ اقتباس یاد دلایا جس میں رابندر ناتھ ٹیگور نے کہا تھا کہ ‘آپ ساحل پر کھڑے ہوکر پانی کو گھورنے سے سمندر کو پار نہیں کر سکتے’، آپ کو یاد رکھنا چاہیے۔ جب کسی تالب علم کو ٹیگور کا یہ قول یاد ہو گا تو اس کے لیے اپنی منزل تک پہنچنا آسان ہو جائے گا۔
عمار خان، آرٹ ڈائریکٹر، یوتھ سحر اور تبریز احسن خان، استاد، ڈولفن پبلک اسکول نے مہمانوں کا گلدستے سے استقبال کیا۔ سہ روزہ ثقافتی پروگرام کل اختتام پذیر ہو گا۔ کل کے پروگرام میں ڈمراؤں کے ایم ایل اے ڈاکٹر اجیت سنگھ کشواہا مہمان خصوصی ہوں گے۔اس موقع پر کامیاب ہونے والے طلباء و طالبات کو سند اور ٹرافی بھی دیا جائیگا۔