جامعہ ملیہ اسلامیہ میں ڈاکٹر ذاکر حسین کی چونویں برسی منائی گئی

نئی دہلی:جامعہ ملیہ اسلا میہ میں آج سابق صدرجمہوریہ ہند اور سابق امیر جامعہ اور شیخ الجامعہ،جامعہ ملیہ اسلامیہ کی چونویں برسی منائی گئی۔
جامعہ اسکول کے طلبا،یونیورسٹی کے طلبا،اساتذہ اور یونیورسٹی کے غیر تدریسی عملہ اور مرحوم ڈاکٹر ذاکرحسین کے اہل خانہ نے جامعہ کیمپس میں واقع ان کے مزار کی زیارت کی اور ان کی قبر پر گلہائے عقیدت نذر کیے۔انھیں خراج عقیدت دینے کے لیے وہیں ایک دعائیہ تقریب بھی منعقد ہوئی۔
اس موقع پر پروفیسر نجمہ اختر،شیخ الجامعہ نے کہا کہ ’اس یونیورسٹی کے لیے ان کی عظیم اور مقدس خدمات بے پایاں ہیں۔وہ ایک عظیم مجاہد آزادی،ماہر تعلیم،ماہرمعاشیات اور مایہ ناز دانشور تھے۔انھیں بھارت رتن سے بھی سرفراز کیا گیا تھا۔انھوں نے یونیورسٹی،ملت اور ملک کی خوش حالی اور فلاح کے لیے اپنی غیر معمولی بصیرت، دوراندیشی اورغیرمعمولی یقین سے جامعہ ملیہ اسلامیہ کا قد اونچا کیا تھا۔