اسرائیل کے حملوں میں اب تک 5500 فلسطینی بچوں کی شہادت

غزہ: فلسطین میں سرکاری میڈیا آفس نے اعلان کیا کہ غزہ کی پٹی پر اسرائیلی جارحیت کے نتیجے میں شہید ہونے والوں کی تعداد 13 ہزار سے زائد ہوگئی ہے، جن میں 5500 سے زائد بچے اور3500 خواتین شامل ہیں۔ مرکز اطلاعات فلسطین کی اطلاع کے مطابق قابض فوج کی طرف سے غزہ کی پٹی میں 1340 مقامات پر اجتماعی قتل عام کیا جس میں ہزاروں فلسطینی شہید ہوئے جب کہ مجموعی شہداء 13500 ہوچکے ہیں۔ دفتر کے ڈائریکٹر جنرل نے ایک پریس کانفرنس میں کہا کہ اسرائیل کی مجرمانہ جنگ جاری ہے، ہسپتالوں اور محفوظ گھروں کے خلاف جنگ جاری ہے اور نسل کشی کی جنگ میں شدت آتی جا رہی ہے۔انہوں نے بتایا کہ طبی عملے کے شہداء کی تعداد 201 ہوگئی ہے جن میں ڈاکٹر، نرسز اور پیرا میڈیکس شامل ہیں جبکہ سول ڈیفنس کے22 جوان شہید ہوئے۔مرکز اطلاعات فلسطین کی اطلاع کے مطابق اسرائیلی فوج کی وحشیانہ دہشت گردی میں 60 صحافی بھی شہید ہوئے جن میں سے آخری شہید ہونے والے صحافی بلال جاد اللہ ہیں جو غزہ میں پریس فاؤنڈیشن کے صدر تھے۔انہوں نے نشاندہی کی کہ "اسرائیلی” قابض فوج کی طرف سے کیے جانے والے کل قتل عام کی تعداد 1,330 سے زیادہ ہوگئی ہے جب کہ لاپتہ افراد کی تعداد 6,000 سے زیادہ ہوچکی ہے جو یا تو ملبے کے نیچے یا ان کی لاشیں گلیوں میں پڑی ہیں۔ سڑکیں نہ ہونے کی وجہ سے ان تک رسائی ممکن نہیں۔
انہوں نے تصدیق کی کہ اسرائیلی بمباری میں غزہ میں زخمی ہونے والے فلسطینیوں کی تعداد 31 ہزار سے تجاوز کر گئی ہے، جن میں سے 75 فیصد سے زیادہ بچے اور خواتین ہیں۔انہوں نے نشاندہی کی کہ تباہ ہونے والے سرکاری ہیڈ کوارٹرز کی تعداد 97 تک پہنچ گئی۔اب تک 262 اسکول تباہ کیےگئے۔انہوں نے بتایا کہ مکمل طور پر تباہ ہونے والی مساجد کی تعداد83 بتائی جب کہ 3 گرجا گھروں کو نشانہ بنانے کے علاوہ جزوی طور پر تباہ ہونے والی مساجد کی تعداد 166 مساجد تک پہنچ گئی۔