نئی دہلی: مرکزی وزیر اور بہار کے بیگوسرائے سے رکن پارلیمنٹ گری راج سنگھ نے وزیر اعلیٰ نتیش کمار سے غیرقانونی مدارس پر فوری پابندی لگانے کا مطالبہ کیا ہے۔
انہوں نے کہا ہے کہ ایسا نہ کرکے نتیش کمار بہار اور ملک کی اندرونی سلامتی کو خطرے میں ڈال رہے ہیں۔
VIDEO | "There is a flood of illegal mosques and madarsas in Bihar which shares borders with Bangladesh and Nepal. This is a cause of great concern considering internal security of the country. These illegal madarsas should be closed and science education should be imparted in… pic.twitter.com/bgAx2teXeo
— Press Trust of India (@PTI_News) December 1, 2023
انہوں نے کہا کہ غیر قانونی مساجد اور مدارس کا سیلاب آگیا ہے۔ بہار کی سرحد نیپال اور بنگلہ دیش کے ساتھ ملتی ہے۔ یہ سب ان سرحدوں پر اور بھی زیادہ ہو رہا ہے۔ اس سے نہ صرف بہار بلکہ ملک کی اندرونی سلامتی کو خطرہ ہے۔ انہوں نے کہا کہ ان غیر قانونی مدارس کو بند کیا جائے اور جائز مدارس میں سائنس کی تعلیم شروع کی جائے۔
خبر رساں ایجنسی پی ٹی آئی کے ذریعہ ایکس پر ڈالے گئے ویڈیومیں گری راج یہ بھی کہتے سنے جاسکتے ہیں کہ ‘ووٹ کا لالچ بہت ہوگیا، اب نتیش جی، ملک اور اس کی سلامتی کے بارے میں سوچیں۔ اگر ایسا نہیں ہوتا ہے تو بیس سالوں میں بہار کے لوگوں کی دولت اور مذہب بھی خطرے میں پڑ جائے گا اور اس کے لیے نتیش اور لالو یادو کو مورد الزام ٹھہرایا جائے گا’۔
کچھ دن پہلے گری راج سنگھ نے یوپی کی طرح بہار میں بھی حلال سرٹیفائیڈ پراڈکٹس پر پابندی لگانے کا مطالبہ کیا تھا اور کہا تھا کہ ریاست میں حلال سرٹیفکیٹ کے نام پر من مانی رقم اکٹھی کی جا رہی ہے، اسے فوراً روکا جائے۔
