مودی کے اجودھیا دورہ کے پیش نظر تیاریاں تیز

اجودھیا:27دسمبر(یواین آئی) اترپردیش کے ضلع اجودھیا میں وزیر اعظم نریندر مودی کے دورے کے پیش نظر ضلع انتظامیہ نےتیاریاں تیز کردی ہیں۔30دسمبر کو ائیر پورٹ سے اجودھیا ریلوے اسٹیشن تک تقریبا 15کلو میٹر شاہراہ پر سڑک کے دونوں جانب بیرکیٹنگ کی تیاریان شروع ہوگئی ہیں۔ ذرائع سے ملی جانکاری کے مطابق رام پتھ و دھرم پتھ سے جڑنے والی گلیوں و رابطہ راستوں کو اس دن بند کردیا جائے گا۔
مین شاہراہ پر گاؤں کے ساتھ پیدل چلنے پر بھی روک رہے گی۔ یہ آمدورفت نظام صبح سات بجے سے وزیر اعظم کے واپس جانے تک نافذ رہےگ ا۔ اجودھیا ریلوے اسٹیشن کے پلیٹ فارم نمبر ایک صبح س ہی سیل رہے گا۔ یہاں صرف پاس ہولڈر ہی آسکیں گے۔
مسافروں کی سہولت کے لیے پلیٹ فارم نمبر۔ دو اور تین کھلے رہیں گے۔ مسافر اگلے رائے گنج، کانی گنج ریلوے کراسنگ سے آ سکیں گے۔ محکمہ ریلوے کی جانب سے اسی جگہ پر عارضی ٹکٹ گھر کھولنے کے انتظامات بھی کیے جائیں گے۔ پلیٹ فارم پر صرف وہی مسافر جا سکیں گے جنہوں نے ٹکٹ خریدے ہیں۔وزیر اعظم کے روڈ شو کی وجہ سے لکھنؤ، گورکھپور، ایودھیا، امبیڈکر نگر، رائے بریلی، سلطان پور، گونڈا، بستی شاہراہیں صبح 7 بجے سے بند رہیں گی۔ہائی وے پر گاڑیوں کو دوسرے راستوں کی طرف موڑنے کے لیے ضلع پولیس پڑوسی اضلاع کی پولیس سے مشاورت کرے گی۔ حفاظتی انتظامات کے لیے اے ٹی ایس، سی آر پی ایف، آر اے ایف، پی ایس سی اور پولیس اہلکاروں کو تعینات کیا جا رہا ہے۔ ایودھیا دھام ریلوے اسٹیشن پر آر پی ایف کے علاوہ جی آر پی، سی آر پی ایف اور اے ٹی ایس کو تعینات کیا جائے گا۔دوسری جانب ایئرپورٹ کی سیکیورٹی کی ذمہ داری یو پی ایس ایس ایف کو پہلے ہی سونپ دی گئی ہے۔ یوپی اے ٹی ایس مرکزی تفتیشی ایجنسیوں کے ساتھ مل کر ہر سرگرمی پر نظر رکھے ہوئے ہے۔اے ٹی ایس کمانڈوز کی دو ٹیمیں ایودھیا میں ڈیرے ڈالے ہوئے ہیں۔ ٹریفک پولیس نے دیگر اضلاع سے آٹھ لفٹنگ وین اور دس کرینیں منگوائی ہیں جنہیں ان راستوں پر تعینات کیا جائے گا جن سے وزیر اعظم گزریں گے۔ٹریفک انسپکٹر ابھیمنیو شکلا نے کہا کہ وی وی آئی پی قافلے میں اگر کوئی گاڑی خراب ہوجائے تو اسے فوری طور پر وہاں کھڑی لفٹنگ وین یا کرین کی مدد سے ہٹا کر راستہ صاف کیا جائے گا۔ ایودھیا اور دیگر ریلوے اسٹیشنوں پر حفاظتی انتظامات کو مضبوط بنانے کے لیے ہیڈ کوارٹر سے چار سو پولیس اہلکار بھیجے گئے ہیں۔