نئی دہلی (یو این آئی) وزیر خارجہ ایس جے شنکر نے آج کہا کہ ہندوستان ‘’وشوبندھوتو‘ کے ویژن کے ساتھ باہمی احترام اور تعاون کی بنیاد پر مختلف ممالک کے ساتھ تعلقات کو مضبوط بنا کر پوری دنیا میں امن، استحکام اور خوشحالی کو فروغ دینے کے لیے پرعزم ہےاوروہ قابل اعتماد دوست اور پارٹنر کے طور پر ابھرا ہے۔وزیر خارجہ ڈاکٹر جے شنکر نے دارالحکومت کے گارگی کالج میں ‘’انڈیا: گلوبل فرینڈ‘ کے موضوع پر اپنے لیکچر میں یہ بات کہی۔ انہوں نے اس پروگرام میں بطور خصوصی مقرر شرکت کی۔ڈاکٹر جے شنکر نے کہا کہ کس طرح ہندوستان ایک وشو بندھوہے اور دوسروں کے تئیں انصاف، ذمہ داری اور سخاوت میں یقین رکھتا ہے۔ انہوں نے کہا، ” ہندوستان نے کئی بار اس اصول کا مظاہرہ کیا ہے، خواہ وہ کووڈ کے دوران دوسرے ممالک کو دوائیں اور ویکسین بھیجنا ہو، یا اپنے شہریوں اور دیگر کو جنگی علاقوں سے محفوظ نکالنا ہو۔ ہندوستان ایک ابھرتی ہوئی طاقت ہے، اور گلوبل ساؤتھ کے حقوق اس کا ایک اہم وکیل ہے۔
انہوں نے کہا کہ وشو بندھو کا وژن دنیا بھر کے ممالک کے ساتھ باہمی احترام اور تعاون کی بنیاد پر مضبوط تعلقات کو فروغ دینا ہے۔ اس کے ساتھ ساتھ اپنے مقاصد پر ثابت قدم رہنا ہوگا اور اپنے مفادات کو بھی ترجیح دینا ہوگی۔ ہندوستان ایک قابل اعتماد دوست اور شراکت دار کے طور پر ابھرا ہے جو پوری دنیا میں امن، استحکام اور خوشحالی کو فروغ دینے کے لیے وقف ہے۔بین الاقوامی تعاون کے تئیں ہندوستان کی غیر متزلزل وابستگی اور عالمی تعلقات کے تئیں ہندوستان کے کثیر جہتی نقطہ نظر کا اظہار کرتے ہوئے ڈاکٹر جے شنکر نے کہا، "عالمی دوست ہونے کا مطلب نہ صرف عزت حاصل کرنا ہے، بلکہ اپنے مفادات کو مقصد اور عزم کے ساتھ ترجیح دینا بھی ہے۔”سیشن کے بعد انہوں نے طلباء اور اساتذہ کے ساتھ بات چیت کی اور صبر سے ان کے سوالات کے جوابات دیے اور مستقبل کے لیے ہندوستان کے ابھرتے ہوئے وژن کے بارے میں رہنمائی فراہم کی۔
