امریکی خاتون کی لاش سفارتخانہ کی رضامندی کے بعدہندوستانی شوہر کے سپرد

کوٹہ، (یو این آئی/ایجنسیاں) راجستھان میں کوٹا کے نانتا علاقے میں رہنے والی ایک امریکی خاتون کی لاش پوسٹ مارٹم کے بعد اس کے شوہر کے حوالے کر دی گئی۔بنیادی طور پر امریکہ کے شہر ٹیکساس کی رہنے والی خاتون جیکلین (78) گزشتہ آٹھ ماہ سے کوٹا کے علاقے نانتا میں مقیم تھی۔ دراصل اس نے سوشل میڈیا پر واقفیت کے بعد، امریکہ سے ہندوستان آکرکوٹا کے نانتا کے رہنے والے بھرت کے ساتھ 8 دسمبر 2023 کو کورٹ میرج کی تھی۔تاہم عمر کے لحاظ سے یہ شادی مکمل طور پر مماثل نہیں تھی کیونکہ جس وقت بھرت نے جیکولین کے ساتھ کورٹ میرج کی تھی اس وقت اس کی عمر جیکولین سے نصف سے بھی کم صرف 35 سال تھی۔
امریکہ سے تعلق رکھنے والی اس خاتون کی عمر 78 سال تھی،جس نے کوٹہ کے 35سالہ شخص سے شادی کی تھی۔خبروں کے مطابق خاتون طبی علاج کے لیے جے پور لے جانے کے دوران چل بسی۔ٹیکساس کی رہائشی جیکولین آسٹن شہر کے نانتا تھانے کے علاقے میں اپنے 34 سالہ شوہر بھرت جوشی کے ساتھ رہتی تھی جس سے اس نے گزشتہ سال اگست میں شادی کی تھی۔جوشی کے مطابق، وہ فیس بک کے ذریعے ایک دوسرے سے ملے اور ان سے دوستی ہوئی، اور جیکولین اگست میں کوٹا پہنچیں، دونوں نے دسمبر میں مقامی عدالت میں شادی کی۔جیکولین امریکہ میں اپنے خاندان کے افراد سے رابطے میں رہی۔ 7 جولائی کو اس کی صحت بگڑ گئی اور اسے شہر کے ایک نجی اسپتال میں داخل کرایا گیا۔جب اس کی حالت مزید بگڑ گئی تو اسے سوموار کو جے پور میں صحت کی دیکھ بھال کی سہولت کے لیے ریفر کیا گیا، لیکن بدقسمتی سے اس کا انتقال ہوگیا۔
پولیس نے اس کی لاش کو نیو میڈیکل کالج ہسپتال کے مردہ خانہ میں رکھوا دیا ہے اور ضابطے کے مطابق مزید کارروائی کی گئی۔حال ہی میں، جیکولین کو الٹی اور پیٹ میں درد کی شکایت کے بعد، اسے کوٹہ میں تلونڈی کے ایک پرائیویٹ اسپتال میں داخل کرایا گیا، جہاں اس کی کالونیسکوپی معمول پر آگئی۔ اس کے بعد بھی درد کی وجہ سے جیکولین کی آنتوں کا آپریشن کیا گیا تھا اور چند گھنٹے تک آئی سی یو میں رکھنے کے بعد اسے وارڈ میں رکھا گیا، تاہم طبیعت بگڑنے پر اسے دوبارہ آئی سی یو میں رکھا گیا اور وینٹی لیٹرسپورٹ دیاگیا، لیکن صحت مسلسل بگڑتی رہی جس کے بعد اسے جے پور ریفر کر دیا گیا۔
ایمبولینس کے ذریعے کوٹا سے جے پور لے جایا جا رہا تھا، راستے میں جیکولین کی موت ہو گئی، جس کے بعد لاش کو کوٹہ لا کر نیو میڈیکل کالج اسپتال کے مردہ خانے میں رکھا گیا اور پولیس کو اطلاع دی گئی۔ چونکہ یہ ایک امریکی خاتون کی مشتبہ موت کا معاملہ تھا، اس لیے پولیس نے نئی دہلی میں سفارت خانے کو جیکلین کی موت کی اطلاع دی۔ اس کے ساتھ ہی اس نے عدالت میں کوٹہ کے رہنے والے بھرت سے شادی کے بارے میں بھی معلومات دی اور ہدایات مانگیں۔
امریکی سفارت خانے کی جانب سے منگل کو پیغام موصول ہونے کے بعد پولیس نے پوسٹ مارٹم کے بعد جیکلین کی لاش شام دیر گئے اس کے شوہر بھرت کے حوالے کر دی۔