نئی دہلی، 21 ستمبر (یو این آئی) کانگریس کے صدر ملکارجن کھڑگے نے پارٹی لیڈر کماری سیلجا کو بھارتیہ جنتا پارٹی (بی جے پی) میں شامل ہونے کی دعوت دینے پر آج بی جے پی پر جوابی حملہ کرتے ہوئے کہا کہ انہیں دوسرے لوگوں کے گھروں میں جھانکنے سے پہلے اپنا گھر دیکھنا چاہیے۔
مسٹر کھڑگے نے کہا کہ بی جے پی اپنے لیڈروں کو سنبھال نہیں پا رہی ہے اور اس کے لیڈر دوسری پارٹیوں کی طرف بھاگ رہے ہیں لیکن وہ اپنے گھر کی طرف دیکھنے کے بجائے دوسروں کے گھروں میں جھانکنے میں مصروف ہے۔
انہوں نے کہا کہ بی جے پی کے کئی لیڈر پارٹی چھوڑ چکے ہیں اور وہ ہم پر انگلیاں اٹھا رہے ہیں۔ کسی اور کے گھر میں جھانکنے سے پہلے اپنے گھر میں جھانک لینا چاہیے۔ ان کے کتنے لیڈر اپنے گھر چھوڑ چکے ہیں اور کتنے ابھی تک قطار میں کھڑے ہیں۔
ہریانہ کے سابق وزیر اعلیٰ بھوپندر سنگھ ہڈا نے بھی بی جے پی کو آڑے ہاتھوں لیا اور اس پر سخت حملہ کرتے ہوئے کہا کہ کماری سیلجا ان کی بہن جیسی تھیں۔ وہ کانگریسی ہیں اور کانگریس کے ساتھ اتحاد میں ہی اسمبلی انتخابات لڑیں گی۔واضح رہے کہ ہریانہ کے سابق وزیر اعلیٰ منوہر لال کھٹر نے ایک بیان میں کہا کہ محترمہ سیلجا کی کانگریس میں توہین کی جا رہی ہے، اس لیے وہ انہیں بی جے پی میں شامل ہونے کی دعوت دیتے ہیں۔ مسٹر کھٹر کے اس بیان کے بعد کانگریس اور بی جے پی کے درمیان لفظوں کی جنگ جاری ہے۔
