مہاکمبھ نگر:27جنوری(یواین آئی) مہاکمبھ میں پیر کو دھرم سنسد کی میٹنگ میں سناتن دھرم کے تحفظ کے لئے وزیر اعظم سے سناتن بورڈ بنانے کی اپیل کرتے ہوئے وقف بورڈ کو ختم کرنے کی وکالت کی گئی۔معروف کتھا واچک دیوکی نندن ٹھاکر کی صدارت میں شانتی سیوا شیور سنگم لوور مارگ سیکٹر 17 میں منعقد دھرم سنسد میں تمام سنتوں نے سناتن بورڈ کی تشکیل اور وقف بورڈ کو ختم کرنے وکی وکالت کی۔ سنتوں نے وزیر اعظم نریندر مودی سے پارلیمنٹ میں ورشب ایکٹ کو ختم کرنے کا بھی مطالبہ کیا۔
انہوں نے کہا اس ضمن میں حکومت کو مطالباتی لیٹر بھی بھیج رہے ہیں۔ دھرم سنسد میں نعرہ دیا گیا’سنبھل ۔متھرا، وشوناتھ، تینوں لیں گے ایک ساتھ۔ورشپ ایکٹ کے مطابق 15اگست 1947 سے پہلے جو مذہبی مقامات جس شکل میں تھے یا ہیں وہ اسی شکل میں برقرار رہیں گے۔ اسے نہیں بدلا جاسکے گا۔
سنتوں نے کہا کہ ہندوستان میں ہندو مندروں،املاک کے تحفظ کے لئے سناتن بورڈ بنایا جائے گا۔ یہ بورڈ خودمختار ادارے کی شکل میں قائم کیا جائے گا۔ مندروں میں پوجا روایت کی سیفٹی کو یقینی کرے گا۔ ملک کے چاروں شنکر آچاریہ کو سرپرست اعلی نامزد کیا جائے گا۔دیوکی نندن ٹھاکر نے کہا کہ پاکستان اور بنگلہ دیش میں ہندو بورڈ نہیں ہے تو ہندوستان میں وقف بورڈ کی کیا ضرورت ہے۔ انہوں نے کہا’بہت برداشت کرلیا۔ اب نہیں برداشت کریں گے۔ اپنا حق لے کر رہیں گے۔ پاکستان چھوڑ کر جو ہندو آئے تھے۔ ان کی جگہ کہاں گئی۔ پاکستان اور بنگلہ دیش میں ہندو بورڈ نہیں ہے تو ہندوستان میں وقف بورڈ کیا کررہا ہے۔
اکھاڑوں کے ذریعہ دھرم سنسد کے بائیکاٹ کے سوال پر دیوکی نند ٹھاکر نے کہا’لوگوں میں یہ بات زیر گردش تھی کہ میں سناتن بورڈ کا سربراہ بننا چاہتا ہوں اس لئے یہ سب کررہا ہوں۔ آج میں واضح کر دینا چاہتا ہوں کہ مجھے کوئی عہدہ نہیں چاہئے۔ میں حلف دلاتا ہوں کہ مجھے کسی عہدے کی خواہش نہیں تھ۔ میں تو بس سناتن کا تحفظ چاہتا ہوں۔
ٹھاکر نے کہا’ سب سے پہلے وقف بورڈ نے کمبھ والی جگہ کو اپنی زمین بتائی۔ ہم کو ڈر ہے کہ کہیں وقف بورڈ ایسا نہ کہہ دے کہ پورا ہندوستان ہی ہمارا ہے۔ اس دن ہمارا کیا ہوگا۔ کون سا ایسا ملک ہے جو ہمیں پناہ دے گا۔ صرف ہندوستان ہے جہاں ہندو جاسکتے ہیں۔ اب پورے ہندوستان کو وقف بورڈ کو دینے کی کوششیں ہورہی ہیں۔ ہندوستان میں وقف بورڈ کیا کرہا ہے۔
انہوں نے کہا’ اس بار پوری کابینہ نے سنگم میں ڈبکی لگائی۔ ایسا اس سے پہلے نہیں ہوا۔ سال 2013 میں سماج وادی پارٹی(ایس پی) حکومت نے اعظم خان کو کمبھ کی کمان دے دی تھی۔ جو ہم کو 15 منٹ کا وقت دیتے ہیں۔ ہم کہتے ہیں کہ تم 15 منٹ ہی دے کر دیکھ لو۔ ہمارے ناگا سادھو ہی کافی ہیں۔ آپ لے ارمان ہمارے ناگا سادھو ٹھنڈا کردیں گے۔
