جشن یوم آزادی کے پیش نظرسینیئر پولیس افسران کی میٹنگ

نئی دہلی(فرحان یحییٰ) دلی پولیس ہیڈ کوارٹر میں جشن یوم آزادی 2023 کے پیش نظر دلی پولیس ہیڈ کوارٹر میں پولیس کمشنر سنجے اروڑا نے انٹراسٹیٹ کارڈینیشن میٹنگ منعقد کی گئی۔ اس میٹنگ میں جشن آزادی 15 اگست کی تیاریوں اور ریاستوں میں آپسی تعاون کو لے کر ہریانہ، پنجاب، اترپردیش ، مدھیہ پردیش، جھارکھنڈ، بہار، راجستان ،چندیگڑھ اور جموں و کشمیر پولیس کے اعلیٰ افسران سمیت دلی پولیس کے تمام اسپیشل پولیس کمشنرس، سبھی جوائنٹ کمشنرس موجود تھے۔ ان کے علاوہ دلی کے سبھی ضلعوں کے ڈی سی پی، میرٹھ کے ایڈیشنل ڈی جی پی۔ روہتک کے اے ڈی جی، نویڈا کے کمشنر، گڑگاؤں کے کمشنر ، ریواڑی کے آئی جی اور اتراکھنڈ کے ڈی آئی جی ویڈیو کانفرنسنگ کے ذریعے اس اہم بین الریاستی پولیس تعاون میٹنگ میں شریک ہوئے۔ دلی پولیس کمشنر سنجے اروڑا نے اپنے خطاب میں کہا کہ اس میٹنگ کا مقصد دہشت گردانہ کارروائیوں پر نظر رکھنا، انٹیلیجنس کی رپورٹ ایک دوسرے کو مہیا کرانا اور جشن یوم آزادی 2023 کی تقریبات کے مدنظر لا اینڈآرڈر کو قائم رکھنے کے ساتھ ساتھ پرامن پروگرام مکمل کرانا ہے۔مختلف خفیہ ایجنسیاں مثلا این ائی اے، انٹیلیجنس بیورو یعنی ائی بی ، این سی بی، ڈپٹی کمشنر جرائم ، ڈپٹی کمشنر ریلوے ، ڈپٹی کمشنر اندرا گاندھی ایئرپورٹ اور ڈپٹی کمشنر میٹرو بھی اس میٹنگ میں شریک ہوئے۔ کمشنر مسٹر اروڑا نے کہا کہ پہلے کی طرح اس مرتبہ بھی پولیس کے ذریعے گشت کرنا، 24X 7 چیکنگ جاری رکھنا، کرائے دار اور نوکروں کی ویری فکیشن، گیسٹ ہاؤس، ہوٹلوں کی چیکنگ، دلی سے جڑنے والیں سرحدوں اور ان ریاستوں سے آنے جانے والے لوگوں پر مخصوص نظر رکھنا، اسلحہ اور منشیات کی سپلائی کرنے والوں پر نظر رکھنے اور انہیں پکڑنا ہماری پہلی ذمہ داری ہے۔ پولیس کمشنر سنجے اروڑا نے کہا کہ جب تک ریاستوں میں آپسی تال میل اور تعاون نہیں ہوگا تب تک جرائم پیشہ ور بدمعاشوں، دہشت گردوں پر لگام لگانی آسان نہیں ہوتی لہذا سبھی ریاستوں کو ایک دوسرے کے ساتھ خوفیا اطلاعات اور ان پٹ ساجھا کرنے ہونگے۔