نتیش کمار کا وقعہ پت افسوسناک اور جرم کی تحقیقات کی ہدایت
پٹنہ: ایک صحافی کے قتل کا معاملہ بہار کے ضلع اریریا میں سامنے آیا ہے۔خبروں کے مطابق ایک اخبار میں کام کرنے والے ومل یادو نامی ایک صحافی کو شرپسندوں نے بلایا اور انہیں گھر کے باہر گولی مار دی۔ جس کی وجہ سے صحافی کی موقع پرموت ہوگئی۔ فی الحال اریریا کے صدرس اسپتال میں ان کا پوسٹ -مارٹم کیا جارہا ہے۔ پولیس اس کیس کی تفتیش میں مصروف ہے۔
دریں اثناء وزیر اعلی نتیش کمار نے اسے ایک افسوسناک واقعہ قرار دیا ہے اور کہا ہے کہ یہ خبر سنتے ہی ، انہوں نے فوری طور پر عہدیداروں کو اس جرم کی تحقیقات کی ہدایت د ی۔ انہوں نے پٹنہ میں نامہ نگاروں کو بتایا ، "ایک صحافی کو اس طرح کیسے ہلاک کیا جاسکتا ہے۔” وزیر اعلی نے کہا ، "اس معاملے کی تفتیش کی جارہی ہے اور مجرموں کو سزا دی جائے گی۔”
अररिया के रानीगंज में अहले सुबह दैनिक अखबार के पत्रकार विमल कुमार की हत्या, भाई की हत्या के मामले में गवाह था विमल कुमार, पुलिस मामले की छानबीन में जुटी #BiharPolice #Bihar #Bihar #araria pic.twitter.com/7hZ0lNUVhT
— Khabar Seemanchal | ख़बर सीमांचल (@khabarsemanchal) August 18, 2023
یاد رہے کہ دو سال پہلے ، صحافی ومل یادو کے بھائی کو شرپسندوں نے قتل کیا تھا۔ وہ اس علاقے کے سرپنچ تھے۔ اس قتل کے معاملے میں ویمل کلیدی گواہ تھے اور خدشہ ہے کہ شرپسندوں نے کلیدی گواہ ہونے کی وجہ سے انہیں ہلاک کردیا۔خبروں کے مطابق مبینہ دھمکیوں کے باوجود عدالت میں جاری مقدمے کے دوران ویمل کمار یادو نے اپنے بھائی کے قاتل کے خلاف گواہی دی تھی ۔
بہار پولیس نے بتایا کہ ‘حملہ آوروں نے صبح 5.30 بجے کے قریب یادو کے گھر کے دروازے پر دستک دی اور دروازہ کھولتے ہی فائرنگ شروع کردی۔ اریریا کے سپرنٹنڈنٹ پولیس اشوک کمار سنگھ نے کہا ، ‘لاش کو پوسٹ مارٹم کے لئے بھیجا گیا ہے۔ تفتیش جاری ہے۔ فرانسک ماہرین اور تفتیشی کتوں کو بلایا گیا ہے۔ کہا جاتا ہے کہ ویمل کا پڑوسی کے ساتھ ایک پرانا تنازعہ تھا۔ تمام پہلوؤں کی تفتیش کی جارہی ہے۔
