گھوسی اسمبلی کے ضمنی الیکشن: 49.42 فیصدی ووٹنگ

لکھنؤ(یواین آئی) اترپردیش کے ضلع مئو کے گھوسی اسمبلی نششت پر ہونے والے ضمنی الیکشن میں 49.42فیصدی رائے دہندگان نے اپنی ئق رائے دہی کا استعمال کیا ہے۔
ووٹوں کی گنتی 8ستمبرکوہوگی اور اسی دن نتائج کااعلان کیا جائے گا۔آج239پولنگ اسٹیشنوں کے 455پولنگ بوتھ پر رائے دہندگان نے اپنی حق رائے دہی کا استعمال کیا۔شفاف و غیر جانبدارانہ الیکشن کے انعقاد کے لئے اسمبلی کو دو زون اور 27 سیکٹرس میں تقسیم کیا گیا تھا۔پرامن ووٹنگ کے لئے 2 زونل اور 27 سیکٹر مجسٹریٹ کو تعینات کیا گیا تھا۔اس کے ساتھ ہی 2002 سیکورٹی اہلکار کو تعینات کیا گیا تھا۔مجموعی طور سے 430394رائے دہندگان میں سے مرد ووٹروں کی تعداد 231545اور خاتون ووٹروں کی تعداد 198840 ہے جبکہ تیسری جنس کے ووٹروں کی تعداد دس تھی۔کل 10 امیدوار انتخابی میدان میں تھے۔
آزادانہ و منصفانہ انتخاب کے لئے سی اے پی ایف کی 10 کمپنیوں کے ساتھ 2 آر اے ایف ، 10 کمپنیاں پی اے سی اور 3 اڈیشنل ایس پی، 5سرکل افسر، اور 12 ایس ایخ او تعینات کئے گئے تھے۔اگرچہ دس امیدوار انتخابی میدان میں تھے لیکن اہم مقابلہ بی جے پی کے دارا سنگھ چوہان اور سپا کے سدھاکر سنگھ کے درمیاں ہے۔قابل ذکر کے کہ سال 2022 کے اسمبلی انتخابات میں اس سیٹ سے سماج وادی پارٹی کے امیدوار دارا سنگھ نے جیت درج کی تھی لیکن دارا سنگھ کے اسمبلی رکنیت سے استعفی دینے اور سلا چھوڑ کر بی جے پی میں شمولیت کے بعد یہ سیٹ خالی ہوگئی تھی جس کے بعد ضمنی انتخاب ہورہا ہے۔ جس میں بی جے پی پھر دارا سنگھ کو ہی اپنا امیدوار بنایا ہے۔