اٹاوہ، 26 اپریل (یو این آئی) اتر پردیش کے وزیر اعلی یوگی آدتیہ ناتھ کو نشانہ بناتے ہوئے سماج وادی پارٹی (ایس پی) کے صدر اکھلیش یادو نے کہا کہ وصولی کو چندہ کہنے والے، وہ اب پرساد کو ‘چورن’ کہہ رہے ہیں۔مسٹر یادو نے جمعہ کو کہا کہ وصولی کو چندہ کہنے والے اب پرساد کو چورن کہہ رہے ہیں۔ بعض اوقات یہ چھیالیس میں چھپن والی الٹی ریاضی سمجھاتے ہیں۔ ان کے بارے میں سب کچھ الٹا ہے، یہی وجہ ہے کہ اس بار عوام ان کا تختہ الٹنے والے ہیں۔
انہوں نے کہا کہ عوام بی جے پی کی صحیح سبق سکھانے کے لئے کلاس لینے کو تیار ہیں پہلے مرحلہ کا لیکچر ہو چکا ہے، دوسرا سبق دیا جائے گا۔ آخری مرحلہ آنے تک عوام ان کا مکمل علاج کر دیں گے۔قابل ذکر ہے کہ اٹاوہ ضلع کے جسونت نگر میں وزیر اعلی یوگی آدتیہ ناتھ نے مین پوری کے بی جے پی امیدوار جیویر سنگھ کی حمایت میں ایس پی لیڈر شیو پال سنگھ یادو پر طنز کرتے ہوئے کہا تھا کہ انہیں شیو پال پر ترس آتا ہے۔ آج ان کی کیا حالت یوگئی ہے اگر کوئی پروگرام ہو تو انہیں بیٹھنے کے لیے صوفہ نہیں ملتا، انہیں صرف ایک ہینڈل ملتا ہے اور وہ چورن کھانے کے عادی ہو چکے ہیں۔
اس بیان کے بعد ایس پی کے جنرل سکریٹری شیو پال سنگھ یادو نے جوابی حملہ کرتے ہوئے کہا کہ باشعور وزیر اعلیٰ یوگی کو نہیں معلوم کہ بھگوان ستیانارائن کی کہانی کے بعد چورن نہیں پرساد تقسیم کیا جاتا ہے۔ مقدس پرساد کو ‘چورن’ کہنا کروڑوں عقیدت مندوں کے عقیدے کی توہین ہے۔ جہاں تک چورن کھانے والے شخص کا سوال ہے تو آپ کو معلوم ہونا چاہیے کہ اس چورن کھانے والے نے بہت سے لوگوں کا ہاضمہ درست کیا ہے۔
