علی گڑھ:جماعت اہل سنت کی عبقری شخصیت، عالم ربانی، رئیس التحریر علامہ محمد یٰسین اختر مصباحی دام ظلہ العالی ان دنوں بستر علالت پر ہیں، اور دہلی میں زیر علاج ہیں، حضرت موصوف کا شمار الجامعۃ الاشرفیہ مبارک پور اعظم گڑھ کے قابلِ فخر فرزندوں اور اس عظیم دانشوروں میں ہوتا ہے، جماعت اہل سنت کے درمیان آپ کی شخصیت قدر کی نگاہ سے دیکھی جاتی ہے، عربی اردو زبانوں میں آپ کی متعدد تصانیف موجود ہیں اور اہل علم کے درمیان درجہ استناد کو پہنچی ہیں،
البرکات اسلامک ریسرچ اینڈ ٹریننگ انسٹی ٹیوٹ علی گڑھ میں آپ کی مکمل شفایابی کے لیے دعاے صحت کا اہتمام کیا گیا،جس میں حضرت مولانا نعمان احمد ازھری، ڈاکٹر سلمان رضا علیمی، مفتی عبد المصطفی مصباحی، مفتی جنید برکاتی، مولانا بلال فانی مرکزی، مولانا احمد حسن سعدی امجدی، اور ادارے کے جملہ طلبہ اور اسٹاف نے شرکت کرکے اوراد و وظائف کا ورد کیا اور حضرت کے لیے خوب دعائیں کیں، آخر میں مولانا عارف رضا نعمانی مصباحی کی دعا پر محفل اختتام پذیر ہوئی۔ ادارے کے ڈائریکٹر حضرت سید محمد امان میاں قادری دام ظلہ نے ائمہ کرام اور علما و مشائخ عظام اور عام مسلمانوں سے حضرت موصوف کی مکمل شفایابی کے لیے دعاے صحت کی اپیل کی، رب قدیر آپ کو شفاے کاملہ عاجلہ نافعہ عطا فرمائے آمین بجاہ سیدالمرسلین
